ek bar kaho tum meri ho

Ibn e Insha

ek bar kaho tum meri ho

Ibn e Insha

MORE BY Ibn e Insha

    ham ghuum chuke bastī ban meñ

    ik aas phāñs liye man meñ

    koī sājan ho koī pyārā ho

    koī dīpak ho, koī taarā ho

    jab jīvan raat añdherī ho

    ik baar kaho tum merī ho

    jab sāvan bādal chhā.e hoñ

    jab phāgun phuul khilā.e hoñ

    jab chandā ruup luTātā ho

    jab sūraj dhuup nahātā ho

    shaam ne bastī gherī ho

    ik baar kaho tum merī ho

    haañ dil dāman phailā hai

    kyuuñ gorī dil mailā hai

    ham kab tak piit ke dhoke meñ

    tum kab tak duur jharoke meñ

    kab diid se dil ko serī ho

    ik baar kaho tum merī ho

    kyā jhagḌā suud ḳhasāre

    ye kaaj nahīñ banjāre

    sab sonā ruupā le jaa.e

    sab duniyā, duniyā le jaa.e

    tum ek mujhe bahuterī ho

    ik baar kaho tum merī ho

    hum ghum chuke basti ban mein

    ek aas ki phans liye man mein

    koi sajan ho koi pyara ho

    koi dipak ho, koi tara ho

    jab jiwan raat andheri ho

    ek bar kaho tum meri ho

    jab sawan baadal chhae hon

    jab phagun phul khilae hon

    jab chanda rup luTata ho

    jab suraj dhup nahata ho

    ya sham ne basti gheri ho

    ek bar kaho tum meri ho

    han dil ka daman phaila hai

    kyun gori ka dil maila hai

    hum kab tak pit ke dhoke mein

    tum kab tak dur jharoke mein

    kab did se dil ko seri ho

    ek bar kaho tum meri ho

    kya jhagDa sud KHasare ka

    ye kaj nahin banjare ka

    sab sona rupa le jae

    sab duniya, duniya le jae

    tum ek mujhe bahuteri ho

    ek bar kaho tum meri ho

    Videos
    This video is playing from YouTube

    Videos
    This video is playing from YouTube

    Ahmed Jahanzeb

    Ahmed Jahanzeb

    RECITATIONS

    Fahad Husain

    Fahad Husain

    Fahad Husain

    ek bar kaho tum meri ho Fahad Husain

    Source:

    • Book: Is Basti ke ik Kooche Men (Pg. 88)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites