ek din aur jiyen

ek din aur jiyeñ

apne liye

apne ḳhvāboñ ko liye

ḳhauf ke saa.e se kuchh duur nikal jaa.eñ

kisī peḌ kī chhāoñ meñ raheñ

ek shaam aur chaleñ

us kī taraf

jis taraf jaate hue

paañv nahīñ thakte haiñ

ek jaam piyeñ

us ke hāthoñ se

jise chhūne kī ḳhvāhish bhī

nasha detī hai

ek raat aur guzāreñ

unhī bāñhoñ meñ

jahāñ aur koī yaad nahīñ aatā hai

ek sub.h aur uTheñ

us ke bhīge hue bāloñ se Tapakte nam se ek shaam aur jiyeñ ek raat aur

jiyeñ ek din aur jiyeñ apne liye aur faqat apne liye

ek din aur jiyen

apne liye

apne KHwabon ko liye

KHauf ke sae se kuchh dur nikal jaen

kisi peD ki chhaon mein rahen

ek sham aur chalen

us ki taraf

jis taraf jate hue

panw nahin thakte hain

ek jam piyen

us ke hathon se

jise chhune ki KHwahish bhi

nasha deti hai

ek raat aur guzaren

unhi banhon mein

jahan aur koi yaad nahin aata hai

ek subh aur uThen

us ke bhige hue baalon se Tapakte nam se ek sham aur jiyen ek raat aur

jiyen ek din aur jiyen apne liye aur faqat apne liye