ایک دن اور جئیں

ایک دن اور جئیں

اپنے لیے

اپنے خوابوں کو لیے

خوف کے سائے سے کچھ دور نکل جائیں

کسی پیڑ کی چھاؤں میں رہیں

ایک شام اور چلیں

اس کی طرف

جس طرف جاتے ہوئے

پاؤں نہیں تھکتے ہیں

ایک جام پئیں

اس کے ہاتھوں سے

جسے چھونے کی خواہش بھی

نشہ دیتی ہے

ایک رات اور گزاریں

انہی بانہوں میں

جہاں اور کوئی یاد نہیں آتا ہے

ایک صبح اور اٹھیں

اس کے بھیگے ہوئے بالوں سے ٹپکتے نم سے ایک شام اور جئیں ایک رات اور

جئیں ایک دن اور جئیں اپنے لیے اور فقط اپنے لیے