ek din manaya jaana chahiye

Arifa Shahzad

ek din manaya jaana chahiye

Arifa Shahzad

MORE BY Arifa Shahzad

    ek din manāyā jaanā chāhiye

    merā bhī

    saañs be-āvāz lahroñ par

    tairtī zindagī ke saath

    be-nishān sāhiloñ par

    bikhrī sīpiyoñ ke hamrāh

    sard mausamoñ meñ

    kuuch kar jaane vaale parindoñ ke sañg

    anjān sar-zamīnoñ par

    kisī an-dekhe rañg ke

    phuul pattiyoñ se phūTtī

    pur-asrār ḳhushbū ke bāzūoñ meñ

    tum manāte ho mother day

    aur hisār meñ rahte ho

    māmtā ke nuur ke

    tum manāte ho father day

    aur ghane daraḳhtoñ chhāñv

    mahsūs karte ho

    tum manāte ho valentine day

    aur apnī mahbūba ke sāmne

    suraḳh-rū Thaharte ho

    tumhārā dil tavāf kartā rahtā hai

    be-pāyāñ mohabbatoñ

    aur tum mohabbat har din manāte ho

    dukāneñ saj jaatī haiñ

    rañg-birañge phūloñ se

    chokleT aur cake miThās se

    qīmateñ muḳhtalif sahī

    magar iz.hār sakat

    tumhārī quvvat-e-ḳharīd meñ rahtī hai

    maiñ tumhāre baap mohabbat

    har rañg

    har zā.iqa jāntī huuñ

    ek din manāyā jaanā chāhiye

    merā bhī

    mujhe ma.alūm hai

    tum ye din manā sakte ho

    magar ye din

    saare dinoñ meñ sarāyat kar gayā hai

    tum use nahīñ DhūñD sakte

    koī ek din muḳhtas bhī kar do

    to us unvān

    tumhāre iz.hār sakat se bāhar hai

    ek din manaya jaana chahiye

    mera bhi

    sans ki be-awaz lahron par

    tairti zindagi ke sath

    be-nishan sahilon par

    bikhri sipiyon ke hamrah

    sard mausamon mein

    kuch kar jaane wale parindon ke sang

    anjaan sar-zaminon par

    kisi an-dekhe rang ke

    phul ki pattiyon se phuTti

    pur-asrar KHushbu ke bazuon mein

    tum manate ho mother day

    aur hisar mein rahte ho

    mamta ke nur ke

    tum manate ho father day

    aur ghane daraKHton ki chhanw

    mahsus karte ho

    tum manate ho walentine day

    aur apni mahbuba ke samne

    suraKH-ru Thaharte ho

    tumhaara dil tawaf karta rahta hai

    be-payan mohabbaton ka

    aur tum mohabbat ka har din manate ho

    dukanen saj jati hain

    rang-birange phulon se

    chokleT aur cake ki miThas se

    qimaten muKHtalif sahi

    magar izhaar ki sakat

    tumhaari quwwat-e-KHarid mein rahti hai

    main tumhaare bap ki mohabbat ka

    har rang

    har zaiqa jaanti hun

    ek din manaya jaana chahiye

    mera bhi

    mujhe malum hai

    tum ye din mana sakte ho

    magar ye din

    sare dinon mein sarayat kar gaya hai

    tum use nahin DhunD sakte

    koi ek din muKHtas bhi kar do

    to us ka unwan

    tumhaare izhaar ki sakat se bahar hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY