ek laDki

Zehra Nigaah

ek laDki

Zehra Nigaah

MORE BYZehra Nigaah

    kaisā saḳht tūfāñ thā

    kitnī tez bārish thī

    aur maiñ aise mausam meñ

    jaane kyuuñ bhaTaktī thī

    vo saḌak ke us jānib

    raushnī ke khambe se!

    sar lagā.e istāda

    aane vaale gāhak ke

    intizār meñ gum thii!

    ḳhāl-o-ḳhad ārā.ish

    bah rahī thī bārish meñ

    tiir nok-e-mizhgāñ ke

    mil ga.e the miTTī meñ

    gesuoñ ḳhush-rañgī

    uḌ rahī thī jhoñkoñ meñ

    maiñ ne dil meñ ye sochā

    aab o baad relā!

    us ko raakh kar degā

    ye sajā banā chehra!

    kyā Darāvnā hogā

    phir bhī us ko le jaanā

    aane vaale gāhak

    apnā hausla hogā

    bārishoñ ne jab us

    rañg-o-rūp dho Daalā

    maiñ ne Darte Darte phir

    us ko ġhaur se dekhā

    sīdhā-sāda chehra thā

    bholā-bhālā naqsha thā

    rañg-e-kam-sinī jis par

    kaise dhul ke aayā thā

    zard phuul pattā

    gesuoñ meñ uljhā thā

    shabnamī ik qatra

    aañkh par laraztā thā

    raakh jagah us

    ik diyā jultā thā

    mujh ko yuuñ lagā aise!

    jaise merī beTī ho

    merī naaz paalī

    merī kokh-jā.ī ho

    Daal se bañdhā jhūlā

    taaq meñ sajī guḌiyāñ

    ghar meñ chhoḌ aa.ī ho

    tez tez chalne par

    maiñ ne us ko Tokā ho

    haath thaam lene par!

    merā us jhagḌā ho

    kho ga.ī ho mele meñ

    bah ga.ī ho rele meñ

    aur phir añdhere meñ

    apne ghar darvāza

    ḳhud na dekh paa.ī ho!

    daf.atan ye dil chāhā

    us ko god meñ bhar luuñ

    le ke bhaag jā.ūñ maiñ

    haath joḌ luuñ us ke

    chuum luuñ ye peshānī!

    aur use manā.ūñ maiñ

    phir se apne āñchal

    ghoñsla banā.ūñ maiñ

    aur use chhupā.ūñ maiñ

    kaisa saKHt tufan tha

    kitni tez barish thi

    aur main aise mausam mein

    jaane kyun bhaTakti thi

    wo saDak ke us jaanib

    raushni ke khambe se!

    sar lagae istada

    aane wale gahak ke

    intizar mein gum thi!

    KHal-o-KHad ki aaraish

    bah rahi thi barish mein

    tir nok-e-mizhgan ke

    mil gae the miTTi mein

    gesuon ki KHush-rangi

    uD rahi thi jhonkon mein

    main ne dil mein ye socha

    aab o baad ka rela!

    us ko rakh kar dega

    ye saja bana chehra!

    kya Darawna hoga

    phir bhi us ko le jaana

    aane wale gahak ka

    apna hausla hoga

    barishon ne jab us ka

    rang-o-rup dho Dala

    main ne Darte Darte phir

    us ko ghaur se dekha

    sidha-sada chehra tha

    bhola-bhaala naqsha tha

    rang-e-kam-sini jis par

    kaise dhul ke aaya tha

    zard phul sa patta

    gesuon mein uljha tha

    shabnami sa ek qatra

    aankh par larazta tha

    rakh ki jagah us ja

    ek diya sa julta tha

    mujh ko yun laga aise!

    jaise meri beTi ho

    meri naz ki pali

    meri kokh-jai ho

    Dal se bandha jhula

    taq mein saji guDiyan

    ghar mein chhoD aai ho

    tez tez chalne par

    main ne us ko Toka ho

    hath tham lene par!

    mera us ka jhagDa ho

    kho gai ho mele mein

    bah gai ho rele mein

    aur phir andhere mein

    apne ghar ka darwaza

    KHud na dekh pai ho!

    dafatan ye dil chaha

    us ko god mein bhar lun

    le ke bhag jaun main

    hath joD lun us ke

    chum lun ye peshani!

    aur use manaun main

    phir se apne aanchal ka

    ghonsla banaun main

    aur use chhupaun main

    Source :
    • Book : sham ka pahla tara (Pg. 100)
    • Author : Zehra Nigah
    • Edition : 1980
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY