ek nazm

Aanis Moin

ek nazm

Aanis Moin

MORE BY Aanis Moin

    dānish-var kahlāne vaalo

    tum kyā samjho

    mub.ham chīzeñ kyā hotī haiñ

    thal ke registān meñ rahne vaale logo

    tum kyā jaano

    sāvan kyā hai

    apne badan ko

    raat meñ andhī tārīkī se

    din meñ ḳhud apne hāthoñ se

    Dhāñpne vaalo

    uryāñ logo

    tum kyā jaano

    cholī kyā hai dāman kyā hai

    shahr-badar ho jaane vaalo

    fuTpāthoñ par sone vaalo

    tum kyā samjho

    chhat kyā hai dīvāreñ kyā haiñ

    āñgan kyā hai

    ik laḌkī ḳhizāñ-rasīda baazū thāme

    nabz ke uupar haath jamā.e

    ek sadā par kaan lagā.e

    dhaḌkan sāñseñ ginñe vaalo

    tum kyā jaano

    mub.ham chīzeñ kyā hotī haiñ

    dhaḌkan kyā hai jīvan kyā hai

    sattarah-number ke bistar par

    apnī qaid lamha lamha ginñe vaalī

    ye laḌkī jo

    barsoñ bīmār nazar aatī hai tum ko

    sola saal ik beva hai

    hañste hañste ro paḌtī hai

    andar tak se bhiig chukī hai

    jaan chukī hai

    sāvan kyā hai

    is se pūchho

    kāñch bartan kyā hotā hai

    is se pūchho

    mub.ham chīzeñ kyā hotī haiñ

    suunā āñgan tanhā jīvan kyā hotā hai

    danish-war kahlane walo

    tum kya samjho

    mubham chizen kya hoti hain

    thal ke registan mein rahne wale logo

    tum kya jaano

    sawan kya hai

    apne badan ko

    raat mein andhi tariki se

    din mein KHud apne hathon se

    Dhanpne walo

    uryan logo

    tum kya jaano

    choli kya hai daman kya hai

    shahr-badar ho jaane walo

    fuTpathon par sone walo

    tum kya samjho

    chhat kya hai diwaren kya hain

    aangan kya hai

    ek laDki ka KHizan-rasida bazu thame

    nabz ke upar hath jamae

    ek sada par kan lagae

    dhaDkan sansen ginne walo

    tum kya jaano

    mubham chizen kya hoti hain

    dhaDkan kya hai jiwan kya hai

    sattarah-number ke bistar par

    apni qaid ka lamha lamha ginne wali

    ye laDki jo

    barson ki bimar nazar aati hai tum ko

    sola sal ki ek bewa hai

    hanste hanste ro paDti hai

    andar tak se bhig chuki hai

    jaan chuki hai

    sawan kya hai

    is se puchho

    kanch ka bartan kya hota hai

    is se puchho

    mubham chizen kya hoti hain

    suna aangan tanha jiwan kya hota hai

    Source:

    • Book : Muallim-e-urdu(Lucknow) (Pg. 35)
    • Author : Izhar Ahmad
    • Publication : Published by Izhar ahmad Editor,and publisher at the Shagufta printers Lucknow & Distributed simmam Publication 499/129 Hasanganj lucknow-226020 ( February-1992)
    • Edition :  February-1992
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY