ek nazm roz aati hai

Azra Abbas

ek nazm roz aati hai

Azra Abbas

MORE BYAzra Abbas

    vo aatī hai

    roz mere bahut qarīb

    mujhe sahlātī hai

    gudgudātī hai

    uTho... uTho...

    maiñ hairat aur ḳhushī se

    use dekhtī huuñ

    tum kab ā.īñ?

    abhii... abhī to aa.ī huuñ...

    vo mere siine par apnā sar rakh detī hai

    mere pistānoñ se kheltī hai

    mere hoñToñ ko chūstī hai

    merī naaf ke nīche

    bahut nīche...

    merī saañs uupar uupar rah jaatī hai

    maiñ kūñvāriyoñ tarah

    tilmilātī huuñ

    bal khātī huuñ

    vo mujhe uThātī hai

    mere kapḌe ek ek kar ke utārtī hai

    vo merī āñkhoñ meñ āñkheñ Daal kar

    hañstī hai

    uTTho...

    maiñ baḌbaḌātī rahtī huuñ

    aisī be-sudh

    hairat se aur ḳhushī se

    uTTho...

    vo merī gardan meñ bāñheñ Daal kar

    kahtī hai

    vo mujhe duur se dekhtī hai

    aur canvas par mirī mādar-zād

    tasvīr banātī hai

    maiñ be-sudh paḌī rahtī huuñ

    is Dar se ki kahīñ vo chalī na jaa.e

    maiñ use Dubonā chāhtī huuñ

    ek vaar par us par chaḌh dauḌnā

    us par bilbilā kar hamla karnā

    maiñ bhī chāhtī huuñ... use aise

    apnī giraft meñ le aa.uuñ

    lekin is se pahle ki

    maiñ harakat karūñ

    vo chham-chham kartī

    khiḌkī darvāze se bāhar

    bhaag jaatī hai

    maiñ be-sudh

    hairat aur ḳhauf se

    aur malāmat se

    āñkheñ phāḌe use dekhtī

    rahtī huuñ

    vo chalī jaatī hai

    roz aisā hotā hai

    wo aati hai

    roz mere bahut qarib

    mujhe sahlati hai

    gudgudati hai

    uTho uTho

    main hairat aur KHushi se

    use dekhti hun

    tum kab aain?

    abhi abhi to aai hun

    wo mere sine par apna sar rakh deti hai

    mere pistanon se khelti hai

    mere honTon ko chusti hai

    meri naf ke niche

    bahut niche

    meri sans upar ki upar rah jati hai

    main kunwariyon ki tarah

    tilmilati hun

    bal khati hun

    wo mujhe uThati hai

    mere kapDe ek ek kar ke utarti hai

    wo meri aankhon mein aankhen Dal kar

    hansti hai

    uTTho

    main baDbaDati rahti hun

    aisi hi be-sudh

    hairat se aur KHushi se

    uTTho

    wo meri gardan mein banhen Dal kar

    kahti hai

    wo mujhe dur se dekhti hai

    aur canwas par meri madar-zad

    taswir banati hai

    main be-sudh paDi rahti hun

    is Dar se ki kahin wo chali na jae

    main use Dubona chahti hun

    ek hi war par us par chaDh dauDna

    us par bilbila kar hamla karna

    main bhi chahti hun use aise hi

    apni giraft mein le aaun

    lekin is se pahle ki

    main harakat karun

    wo chham-chham karti

    khiDki ya darwaze se bahar

    bhag jati hai

    main be-sudh

    hairat aur KHauf se

    aur malamat se

    aankhen phaDe use dekhti

    rahti hun

    wo chali jati hai

    roz aisa hi hota hai

    Source :
    • Book : AN EVENING OF CAGED BEASTS (Pg. 88)
    • Author : Asif Farrukhi
    • Publication : Ameena Saiyid, Oxford University (1999)
    • Edition : 1999
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY