ek wasiyyat

Sadiq

ek wasiyyat

Sadiq

MORE BYSadiq

    donoñ hāthoñ meñ nañgī talvāreñ saunt kar

    maiñ añdhere par TuuT paḌā

    use TukḌe TukḌe kar denā chāhā

    lekin us ne merā har vaar ḳhālī kar diyā

    maiñ ne haath meñ bandūq uThā

    aur us par dīvāna-vār goliyāñ barsāne lagā

    sochā thaa, us jism chhalnī kar Dālūñgā

    lekin us meñ ek bhī surāḳh na kar sakā

    phir maiñ ne mish.al uThā

    aur ek zabar-dast irāda liye aage baḌhā

    chāhā thā us chehra jhulas dūñgā

    aur use zinda jalā kar raakh kar dūñgā

    mujhe yuuñ biphrā huā dekh

    añdherā sahm kar pīchhe haT gayā

    lekin dūsre lamhe

    us ne zor se phūñk maar kar, mish.al bujhā

    phir maiñ ne ek aur mansūba banāyā

    chupke chupke ek surañg tayyār

    lekin mujhe gumān bhī na thā

    ki dyna-might ke fiite ko aag dikhāne se pahle

    añdherā surañg meñ paanī bhar degā

    aaj merī ruḳhsat vaqt aa pahuñchā hai

    log!

    jab koī nau-javān, añdhere ko lalkāre

    to tum, use merī misāl na denā

    donon hathon mein nangi talwaren saunt kar

    main andhere par TuT paDa

    use TukDe TukDe kar dena chaha

    lekin us ne mera har war KHali kar diya

    main ne hath mein banduq uTha li

    aur us par diwana-war goliyan barsane laga

    socha tha, us ka jism chhalni kar Dalunga

    lekin us mein ek bhi suraKH na kar saka

    phir main ne mishal uTha li

    aur ek zabar-dast irada liye aage baDha

    chaha tha us ka chehra jhulas dunga

    aur use zinda jala kar rakh kar dunga

    mujhe yun biphra hua dekh

    andhera sahm kar pichhe haT gaya

    lekin dusre hi lamhe

    us ne zor se phunk mar kar, mishal bujha di

    phir main ne ek aur mansuba banaya

    chupke chupke ek surang tayyar ki

    lekin mujhe guman bhi na tha

    ki dyna-might ke fite ko aag dikhane se pahle

    andhera surang mein pani bhar dega

    aaj meri ruKHsat ka waqt aa pahuncha hai

    log!

    jab koi nau-jawan, andhere ko lalkare

    to tum, use meri misal na dena

    Source:

    • Book : aazaadii ke baad delhi men urdu nazm (Pg. 202)
    • Author : urdu academy
    • Publication : ateequllah (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY