fabe-ayye aalaye rabbikuma tukazziban

Parveen Shakir

fabe-ayye aalaye rabbikuma tukazziban

Parveen Shakir

MORE BYParveen Shakir

    dil-āzārī bhī ik fan hai

    aur kuchh log to

    saarī zindagī isī roTī khāte haiñ

    chāhe un burj koī ho

    aqrab lagte haiñ

    tīsre darje ke piile aḳhbāroñ par ye

    apnī yarqānī sochoñ se

    aur bhī zardī malte rahte haiñ

    maalā baarī cabin hoñ pāñch sitāra hotel

    kahīñ bhī qai karne se baaz nahīñ aate

    uupar se is amal ko

    fiqre-bāzī kahte haiñ

    jis pahlā nishāna umūman

    bill ko adā karne vaalā sāthī hotā hai!

    apne apne kuñveñ ko bahr-e-āzam kahne aur samajhne vaale

    ye nanhe meñDak

    har hāthī ko dekh ke phūlne lage haiñ

    aur jab phaTne vaale hoñ to

    hāthī āñkhoñ par phabtī kasne lage haiñ

    kavve bhī anDe khāne ke shauq ko apne

    fāḳhta ke ghar kar puurā karte haiñ

    lekin ye vo saañp haiñ jo ki

    apne bachche

    ḳhud chaT kar jaate haiñ

    kabhī kabhī maiñ sochtī huuñ ki

    sāñpoñ ye ḳhaslat

    mālik-e-jiñn-o-ins kii, insānoñ ke haq meñ

    kaisī be-pāyāñ rahmat hai!

    dil-azari bhi ek fan hai

    aur kuchh log to

    sari zindagi isi ki roTi khate hain

    chahe un ka burj koi ho

    aqrab hi lagte hain

    tisre darje ke pile aKHbaron par ye

    apni yarqani sochon se

    aur bhi zardi malte rahte hain

    mala bari cabin hon ya panch sitara hotel

    kahin bhi qai karne se baz nahin aate

    upar se is amal ko

    fiqre-bazi kahte hain

    jis ka pahla nishana umuman

    bill ko ada karne wala sathi hota hai!

    apne apne kunwen ko bahr-e-azam kahne aur samajhne wale

    ye nanhe meinDak

    har hathi ko dekh ke phulne lage hain

    aur jab phaTne wale hon to

    hathi ki aankhon par phabti kasne lage hain

    kawwe bhi anDe khane ke shauq ko apne

    faKHta ke ghar ja kar pura karte hain

    lekin ye wo sanp hain jo ki

    apne bachche

    KHud hi chaT kar jate hain

    kabhi kabhi main sochti hun ki

    sanpon ki ye KHaslat

    malik-e-jinn-o-ins ki, insanon ke haq mein

    kaisi be-payan rahmat hai!

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY