faiz ke nam

fikr-e-ma.āl hai kise fardā kī fikr hai

do gaz zamīñ bahut hai mire jism ke liye

vaqt-e-safar na pūchhiye kyūñkar ki ham chale

'ahd-e-vafā ko toḌ ke qaid-e-jafā hue

manzil tumhārī āḳhirash aisī na thī kabhī

kahte na the ki āsmāñ ro.egā ek din

ahl-e-sitam kafan ko bhī tarseñge ek din

dār-o-rasan kī bazm sajegī na phir kabhī

maqtal meñ hogī chār-sū haq aur sach kī dhuum

ik din havā ke zor ko honā hai ḳhatm-shud

bād-e-sabā machal ke sunā.egī ye ḳhabar

ruḳhsat ḳhizāñ kā bāġh-e-jahāñ se nasīb hai

ab jashn-e-nau-bahār kī aamad qarīb hai

fikr-e-maal hai kise farda ki fikr hai

do gaz zamin bahut hai mere jism ke liye

waqt-e-safar na puchhiye kyunkar ki hum chale

'ahd-e-wafa ko toD ke qaid-e-jafa hue

manzil tumhaari aaKHirash aisi na thi kabhi

kahte na the ki aasman roega ek din

ahl-e-sitam kafan ko bhi tarsenge ek din

dar-o-rasan ki bazm sajegi na phir kabhi

maqtal mein hogi chaar-su haq aur sach ki dhum

ek din hawa ke zor ko hona hai KHatm-shud

baad-e-saba machal ke sunaegi ye KHabar

ruKHsat KHizan ka bagh-e-jahan se nasib hai

ab jashn-e-nau-bahaar ki aamad qarib hai