faqat harf-e-tamanna kya hai

Aslam Ansari

faqat harf-e-tamanna kya hai

Aslam Ansari

MORE BYAslam Ansari

    shaam raushan thī sunahrī thī

    magar utrī chalī aatī thī

    ziina ziina

    aa ke phir ruk ga.ī

    shab muñDeroñ ke qarīñ

    ik sitāra bhī kahīñ saath jhuk aayā thā

    jaise vo chhūne ko thā kānoñ ke baale us ke

    gesuoñ ko bhī ki the ruḳh ke havāle us ke

    kuhniyāñ Teke hue ek dhaḌaktī huī dīvār pe vo

    khilkhilāte hue kuchh mujh se kahe jaatī thī

    us āhañg-e-suḳhan munfarid lahn-e-kalām

    zamzame phūTte the jis se shagūfoñ tarah

    jhiil pe panchhī koī pañkh sañvāre jaise

    sur lahroñ pe koī dil ko pukāre jaise

    sāñvle chehre pe vo kānoñ ke baale damak

    nāz-e-be-jā bhī na thā ruḳh pe tfāḳhur jhalak

    itnī pur-nūr thiiñ vo āñkheñ ki gumāñ hotā thā

    jaise ḳhurshīd abhī Duub ke ubhregā unhīñ āñkhoñ se

    lekin is shaam un āñkhoñ se achānak TuuTe

    do sitāre jo larazte rahe tā-der larazte rahe

    jaise kahte hoñ ki is shām-e-gurezāñ bharosā kyā hai

    dil na chāhe to faqat harf-e-tamannā kiyā hai

    sham raushan thi sunahri thi

    magar utri chali aati thi

    zina zina

    aa ke phir ruk si gai

    shab ki munDeron ke qarin

    ek sitara bhi kahin sath hi jhuk aaya tha

    jaise wo chhune ko tha kanon ke baale us ke

    gesuon ko bhi ki the ruKH ke hawale us ke

    kuhniyan Teke hue ek dhaDakti hui diwar pe wo

    khilkhilate hue kuchh mujh se kahe jati thi

    us ka aahang-e-suKHan munfarid lahn-e-kalam

    zamzame phuTte the jis se shagufon ki tarah

    jhil pe panchhi koi pankh sanware jaise

    sur ki lahron pe koi dil ko pukare jaise

    sanwle chehre pe wo kanon ke baale ki damak

    naz-e-be-ja bhi na tha ruKH pe tfaKHur ki jhalak

    itni pur-nur thin wo aankhen ki guman hota tha

    jaise KHurshid abhi Dub ke ubhrega unhin aankhon se

    lekin is sham un aankhon se achanak TuTe

    do sitare jo larazte rahe ta-der larazte hi rahe

    jaise kahte hon ki is sham-e-gurezan ka bharosa kya hai

    dil na chahe to faqat harf-e-tamanna kiya hai

    Source :
    • Book : Asaleeb (Pg. 198)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY