farhad

Mustafa Zaidi

farhad

Mustafa Zaidi

MORE BY Mustafa Zaidi

    us se milnā to is tarah kahnā

    tujh se pahle mirī nigāhoñ meñ

    koī ruup is tarah na utrā thā

    tujh se ābād hai ḳharāba-e-dil

    varna maiñ kis qadar akelā thā

    tere hoñToñ pe kohsār os

    tere chehre pe dhuup jaadū

    terī sāñsoñ thartharāhaT meñ

    koñpaloñ ke kuñvvar ḳhushbū

    vo kahegī ki in ḳhitāboñ se

    aur kis kis pe jaal Daale haiñ

    tum ye kahnā ki pesh-e-sāġhar-e-jam

    aur sab miTTiyoñ ke pyāle haiñ

    aisā karnā ki ehtiyāt ke saath

    us ke hāthoñ se haath Takrānā

    aur agar ho sake to āñkhoñ meñ

    sirf do-chār ashk bhar laanā

    ishq meñ ai mubassirīn-e-kirām

    yahī taknīk kaam aatī hai

    aur yahī le ke Duub jaatī hai

    us se milna to is tarah kahna

    tujh se pahle meri nigahon mein

    koi rup is tarah na utra tha

    tujh se aabaad hai KHaraba-e-dil

    warna main kis qadar akela tha

    tere honTon pe kohsar ki os

    tere chehre pe dhup ka jadu

    teri sanson ki thartharahaT mein

    konpalon ke kunwwar ki KHushbu

    wo kahegi ki in KHitabon se

    aur kis kis pe jal Dale hain

    tum ye kahna ki pesh-e-saghar-e-jam

    aur sab miTTiyon ke pyale hain

    aisa karna ki ehtiyat ke sath

    us ke hathon se hath Takrana

    aur agar ho sake to aankhon mein

    sirf do-chaar ashk bhar lana

    ishq mein ai mubassirin-e-kiram

    yahi taknik kaam aati hai

    aur yahi le ke Dub jati hai

    Source:

    • Book : Kulliyat-e-Mustafa Zaidi(Koh-e-nida) (Pg. 36)
    • Author : Mustafa Zaidi
    • Publication : Alhamd Publications (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY