urmila

Tripurari

urmila

Tripurari

MORE BYTripurari

    ye rāmāyan

    jo hindustān rag rag meñ shāmil hai

    jise ik bālmīkī naam ke shā.ir ne likkhā thā

    bahut ḳhūbsūrat ek epic hai

    fasāna-dar-fasāna baat koī munjamid hai

    emotion qaid haiñ lākhoñ tarah ke

    ka.ī kirdār haiñ jo sāhab-e-kirdār lagte haiñ

    magar ik baat hai

    jo muddatoñ se mujh ko khaltī hai

    ki afsāne meñ

    sab ke dard-o-ġham zikr miltā hai

    magar vo ek laḌkī

    phuul se bhī sau gunā nāzuk

    jo siitā bahan thī

    aur jis maañg meñ sindūr bharte vaqt

    shrī raam ke bhaa.ī lakhan ne

    aag maujūdgī meñ ye kahā thā

    maiñ tum se zindagī-bhar ishq farmāyā karūñgā

    aur saa.e tarah saath meñ har-dam rahūñgā

    jo laḌkī ek pal meñ

    saat janmoñ ke liye biivī lakhan ho ga.ī thī

    vahī laḌkī

    jise sab urmilā kah kar bulāte the

    jo apne baap ke siine se lag kar vaqt-e-ruḳhsat ḳhuub roī

    us ke ashkoñ se

    fasāne koī hissa kahīñ bhīgā nahīñ hai

    aur us ke dard koī nishānī tak nahīñ miltī

    magar sach hai

    ki rāmāyan meñ vaisā ġham-zada kirdār koī bhī nahīñ miltā

    maiñ us kirdār se ḳhāsā muta.assir huuñ

    ki jab chaudah baras ke vāste shrī-rām ko ban-vās jaanā thā

    āmāda the lakhan bhī bhaa.ī sevā meñ jaane ko

    zarā bhī nahīñ sochā

    ki jis laḌkī se puurī zindagī rabt joḌā hai

    ki jis ne ḳhūbsūrat nain meñ kuchh ḳhvāb bo.e haiñ

    use kis ke sahāre chhoḌ kar vo rahe haiñ

    magar vo urmilā ko chhoḌ kar bhaa.ī ke pīchhe chal paḌe

    koī taḌaptī aarzū

    urmilā ke hoñTh se gir kar

    ka.ī TukḌoñ meñ nīche farsh par bikhrī huī thī

    zor se āvāz nannhī phaḌphaḌā.ī

    aur zaḳhmī ho gayā thā pyaar vo ek dāman

    jo kabhī phūloñ ḳhushbū meñ bhigoyā thā

    mahz kāñTe kāñTe har taraf the

    ik imārat banñe se pahle TuuTī thī

    to ya.anī urmilā chaudah baras tak

    ḳhalvatoñ ke mausamoñ se roz laḌtī thī

    sahelī saath thī

    lekin sabhī ḳhushiyoñ ko vo ignore kartī thī

    tamannā.eñ agar bādal tarah ghirne lagtī thiiñ

    tamannāoñ bārish meñ nahāne se vo bachtī thī

    churā letī thī vo āñkheñ

    agar ġhalatī se koī aa.ina tārīf kar detā

    havā.eñ jism meñ us ke agar siharan jagā detīñ

    to ḳhud ko apnī bāñhoñ meñ bhar kar

    ḳhud se ye kahtī

    lakhan ā.eñge jaldī maan bhī jaao bahāroñ

    aur so jaao sitāroñ tum

    ki mujh ko raat din jagne aadat ho ga.ī hai

    aur mohabbat ke liye ye umr daulat paḌī hai

    magar jab ḳhvāhishoñ ke bāñdh aksar TūTte hoñge

    to phir sailāb meñ

    kyā kyā na bah kar kho gayā hogā

    hazāroñ adh-khile armān bhī murjhā ga.e hoñge

    tabassum ne

    kisī pal Das liyā hogā laboñ ko gar

    to saarā zahar mauqa dekh kar

    us ke badan meñ raqs kartā phir rahā hogā

    kabhī koyal kaalī kuuk gar kānoñ meñ pahuñchī ho

    to shiryānoñ meñ bahtā ḳhuun saarā jam gayā hogā

    parā.e mard koī tasavvur chhūne se pahle

    vo laḌkī Dar ga.ī hogī

    achānak mar ga.ī hogī

    ye ramayan

    jo hindustan ki rag rag mein shamil hai

    jise ek baalmiki nam ke shair ne likkha tha

    bahut hi KHubsurat ek epic hai

    fasana-dar-fasana baat koi munjamid hai

    emotion qaid hain lakhon tarah ke

    kai kirdar hain jo sahab-e-kirdar lagte hain

    magar ek baat hai

    jo muddaton se mujh ko khalti hai

    ki afsane mein

    sab ke dard-o-gham ka zikr milta hai

    magar wo ek laDki

    phul se bhi sau guna nazuk

    jo sita ki bahan thi

    aur jis ki mang mein sindur bharte waqt hi

    shri ram ke bhai lakhan ne

    aag ki maujudgi mein ye kaha tha

    main tum se zindagi-bhar ishq farmaya karunga

    aur sae ki tarah hi sath mein har-dam rahunga

    jo laDki ek pal mein

    sat janmon ke liye biwi lakhan ki ho gai thi

    wahi laDki

    jise sab urmila kah kar bulate the

    jo apne bap ke sine se lag kar waqt-e-ruKHsat KHub roi

    us ke ashkon se

    fasane ka koi hissa kahin bhiga nahin hai

    aur us ke dard ki koi nishani tak nahin milti

    magar sach hai

    ki ramayan mein waisa gham-zada kirdar koi bhi nahin milta

    main us kirdar se KHasa mutassir hun

    ki jab chaudah baras ke waste shri-ram ko ban-was jaana tha

    aamada the lakhan bhi bhai ki sewa mein jaane ko

    zara sa bhi nahin socha

    ki jis laDki se puri zindagi ka rabt joDa hai

    ki jis ne KHubsurat nain mein kuchh KHwab boe hain

    use kis ke sahaare chhoD kar wo ja rahe hain

    magar wo urmila ko chhoD kar bhai ke pichhe chal paDe

    koi taDapti aarzu si

    urmila ke honTh se gir kar

    kai TukDon mein niche farsh par bikhri hui thi

    zor se aawaz nannhi phaDphaDai

    aur zaKHmi ho gaya tha pyar ka wo ek daman

    jo kabhi phulon ki KHushbu mein bhigoya tha

    mahz kanTe hi kanTe har taraf the

    ek imarat banne se pahle hi TuTi thi

    to yani urmila chaudah baras tak

    KHalwaton ke mausamon se roz laDti thi

    saheli sath thi

    lekin sabhi KHushiyon ko wo ignore karti thi

    tamannaen agar baadal ki tarah ghirne lagti thin

    tamannaon ki barish mein nahane se wo bachti thi

    chura leti thi wo aankhen

    agar ghalati se koi aaina tarif kar deta

    hawaen jism mein us ke agar siharan jaga detin

    to KHud ko apni hi banhon mein bhar kar

    KHud se ye kahti

    lakhan aaenge jaldi man bhi jao bahaaron

    aur so jao sitaron tum

    ki mujh ko raat din jagne ki aadat ho gai hai

    aur mohabbat ke liye ye umr ki daulat paDi hai

    magar jab KHwahishon ke bandh aksar TuTte honge

    to phir sailab mein

    kya kya na bah kar kho gaya hoga

    hazaron adh-khile arman bhi murjha gae honge

    tabassum ne

    kisi pal Das liya hoga labon ko gar

    to sara zahar mauqa dekh kar

    us ke badan mein raqs karta phir raha hoga

    kabhi koyal ki kali kuk gar kanon mein pahunchi ho

    to shiryanon mein bahta KHun sara jam gaya hoga

    parae mard ka koi tasawwur chhune se pahle

    wo laDki Dar gai hogi

    achanak mar gai hogi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY