fughan-e-dehli

jin ko duniyā meñ kisī se bhī sarokār na thā

ahl-o-nā-ahl se kuchh ḳhalt unheñ zinhār na thā

un kī ḳhalvat se koī vāqif-o-ham-rāz na thā

aadmī kyā hai farishte kā bhī vaañ baar na thā

vo galī-kūchoñ meñ phirte haiñ pareshāñ dar dar

ḳhaak bhī miltī nahīñ un ko ki Dāleñ sar par

aish-o-ishrat ke sivā kuchh bhī na thā jin ko yaad

luT ga.e kuchh na rahā ho ga.e bilkul barbād

TukḌe hotā hai jigar sun ke ye un kī fariyād

phir bhī dekheñge ilāhī kabhū dehlī ābād

kab talak dāġh-e-dil ek ek ko dikhlā.eñ ham

kaash ho jaa.e zamīñ shaq to samā jaa.eñ ham

roz vahshat mujhe sahrā kī taraf laatī hai

sar ho aur josh-e-junūñ sang ho aur chhātī ho

TukḌe hotā hai jigar jī hī pe ban jaatī hai

mustafā-ḳhāñ kī mulāqāt jo yaad aatī hai

kyūñki 'āzurdā' nikal jaa.e na saudā.ī ho

qatl is tarah se be-jurm jo sahbā.ī ho

jin ko duniya mein kisi se bhi sarokar na tha

ahl-o-na-ahl se kuchh KHalt unhen zinhaar na tha

un ki KHalwat se koi waqif-o-ham-raaz na tha

aadmi kya hai farishte ka bhi wan bar na tha

wo gali-kuchon mein phirte hain pareshan dar dar

KHak bhi milti nahin un ko ki Dalen sar par

aish-o-ishrat ke siwa kuchh bhi na tha jin ko yaad

luT gae kuchh na raha ho gae bilkul barbaad

TukDe hota hai jigar sun ke ye un ki fariyaad

phir bhi dekhenge ilahi kabhu dehli aabaad

kab talak dagh-e-dil ek ek ko dikhlaen hum

kash ho jae zamin shaq to sama jaen hum

roz wahshat mujhe sahra ki taraf lati hai

sar ho aur josh-e-junun sang ho aur chhati ho

TukDe hota hai jigar ji hi pe ban jati hai

mustafa-KHan ki mulaqat jo yaad aati hai

kyunki 'azurda' nikal jae na saudai ho

qatl is tarah se be-jurm jo sahbai ho