gardish-e-ayyam

zindagī itnā batā de tū mujhe tere liye

aur yuuñ kitne marāhil se guzarnā hogā

marhala gardish-e-hālāt ke roz-o-shab kā

marhala uljhe ḳhayālāt ke roz-o-shab kā

marhala vaqt kī be-mehrī-o-bezārī kā

marhala zehnī aziyyat kā dil-āzārī kā

jiite jī kyā mujhe har roz hī marnā hogā

zindagī itnā batā de tū mujhe tere liye

aur yuuñ kitne marāhil se guzarnā hogā

marhala ḳhvāb kī tā'bīr na mil paane kā

marhala shauq kī kaliyoñ ke na khil paane kā

marhala vaqt kī tasvīr badal jaane kā

marhala himmat-e-sangīñ ke pighal jaane kā

kyā mujhe Tuut ke har roz bikharnā hogā

zindagī itnā batā de tū mujhe tere liye

aur yuuñ kitne marāhil se guzarnā hogā

ek saa.e ke liye chand nivāloñ ke liye

jo gavārā na hue aise ka.ī kaam kiye

aur tahzīb-o-tamaddun ke ujāloñ ke liye

kabhī ġham khaa.e kabhī dard-bhare jaam piye

aur me'yār se kis darja utarnā hogā

zindagī itnā batā de tū mujhe tere liye

aur yuuñ kitne marāhil se guzarnā hogā

zindagi itna bata de tu mujhe tere liye

aur yun kitne marahil se guzarna hoga

marhala gardish-e-haalat ke roz-o-shab ka

marhala uljhe KHayalat ke roz-o-shab ka

marhala waqt ki be-mehri-o-bezari ka

marhala zehni aziyyat ka dil-azari ka

jite ji kya mujhe har roz hi marna hoga

zindagi itna bata de tu mujhe tere liye

aur yun kitne marahil se guzarna hoga

marhala KHwab ki ta'bir na mil pane ka

marhala shauq ki kaliyon ke na khil pane ka

marhala waqt ki taswir badal jaane ka

marhala himmat-e-sangin ke pighal jaane ka

kya mujhe Tut ke har roz bikharna hoga

zindagi itna bata de tu mujhe tere liye

aur yun kitne marahil se guzarna hoga

ek sae ke liye chand niwalon ke liye

jo gawara na hue aise kai kaam kiye

aur tahzib-o-tamaddun ke ujalon ke liye

kabhi gham khae kabhi dard-bhare jam piye

aur me'yar se kis darja utarna hoga

zindagi itna bata de tu mujhe tere liye

aur yun kitne marahil se guzarna hoga