گھنٹیوں پر ہے وقت کا ماتم

پھر سے ہے شہر ایک

سورج ایک

صبح بے ساختہ اداس اور کم

گھنٹیوں پر ہے وقت کا ماتم

یہ وہ جگہ ہے

جو کہیں بھی نہیں

اور ہر جگہ کی کہانی ہے

وقت انساں پہ توڑتا ہے ستم

گھنٹیوں پر ہے وقت کا ماتم

صبح بے ساختہ اداس اور کم

تم اندھیروں سے جب نکل آؤ

میری آنکھوں کے آس پاس رہو

راز کے کھولنے کا وقت ہے یہ

بے جھجک بولنے کا وقت ہے یہ

تیز سب کچھ گزرتے دیکھو گے

تم بھی سورج کو مرتے دیکھو گے

وقت انساں پہ توڑتا ہے ستم

گھنٹیوں پر ہے وقت کا ماتم

جس خلا میں زمیں کا ڈیرا ہے

اس میں چاروں طرف اندھیرا ہے

آنکھیں جو دیکھ لیں وہ تیرا ہے

یہی ہر بار کی کہانی ہے

آنکھ کچھ بھی نہیں ہے پانی ہے

گھنٹیوں پر ہے وقت کا ماتم