git

ham ko

tum ko

in ko un ko ik din sab ko jaanā hai

is gulshan se us gulshan tak ronā aur muskānā hai

in ko apne ghar tak jaanā un ko bhī kāshāne tak

tum ko apne shahr yā bastī ham ko bhī vīrāne tak

manzil in meñ koī nahīñ hai

kis kā kaun Thikāna hai ik din sab ko jaanā hai

jald koī to der se koī nazroñ se kho jā.egā

koī aage koī pīchhe apnī raah banā.egā

koī chalegā itnā keh kar

yaar kā saath nibhānā hai ik din sab ko jaanā hai

hañste chehre phuul ke naġhme hoñToñ ke murjhā.eñge

rang-birange pairāhan sab tan meñ aag lagā.eñge

ḳhvāhish ke shīshoñ ko

vaqt ke patthar se Takrānā hai ik din sab ko jaanā hai

ai mahloñ ke rahne vaale kyā sukh hai kaisā ārām

jhoñpaḌiyoñ meñ basne vaale be-dīpak kī kaisī shaam

jalte bujhte shaam savere ne

kis ko pahchānā hai ik din sab ko jaanā hai

'ahd-e-javānī bahtā paanī aur buḌhāpā utrī kamān

bachpan shaam kī sej kī lorī sāñseñ do pal kī mehmān

mehmānoñ ko un kī had tak

aḳhlāqan pahuñchānā hai ik din sab ko jaanā hai

koī kisī ko rok na paayā daulat husn o 'ishq na pyaar

bujh jā.eñge diip milan ke suunā ho jā.egā siñgār

jīvan ik itihās kā pannā

yādoñ kā afsānā hai ik din sab ko jaanā hai

ai merī miirā mirī shahnāz na roko raah mirī

aañsū huuñ maiñ bah jaane do tum kyā jaano chaah merī

dariyā ke dāman meñ 'bekal'

qatre ko mil jaanā hai ik din sab ko jaanā hai

hum ko

tum ko

in ko un ko ek din sab ko jaana hai

is gulshan se us gulshan tak rona aur muskana hai

in ko apne ghar tak jaana un ko bhi kashane tak

tum ko apne shahr ya basti hum ko bhi virane tak

manzil in mein koi nahin hai

kis ka kaun Thikana hai ek din sab ko jaana hai

jald koi to der se koi nazron se kho jaega

koi aage koi pichhe apni rah banaega

koi chalega itna keh kar

yar ka sath nibhana hai ek din sab ko jaana hai

hanste chehre phul ke naghme honTon ke murjhaenge

rang-birange pairahan sab tan mein aag lagaenge

KHwahish ke shishon ko

waqt ke patthar se Takrana hai ek din sab ko jaana hai

ai mahlon ke rahne wale kya sukh hai kaisa aaram

jhonpaDiyon mein basne wale be-dipak ki kaisi sham

jalte bujhte sham sawere ne

kis ko pahchana hai ek din sab ko jaana hai

'ahd-e-jawani bahta pani aur buDhapa utri kaman

bachpan sham ki sej ki lori sansen do pal ki mehman

mehmanon ko un ki had tak

aKHlaqan pahunchana hai ek din sab ko jaana hai

koi kisi ko rok na paya daulat husn o 'ishq na pyar

bujh jaenge dip milan ke suna ho jaega singar

jiwan ek itihas ka panna

yaadon ka afsana hai ek din sab ko jaana hai

ai meri mera meri shahnaz na roko rah meri

aansu hun main bah jaane do tum kya jaano chah meri

dariya ke daman mein 'bekal'

qatre ko mil jaana hai ek din sab ko jaana hai