hum KHwab-zada

Ambar Bahraichi

hum KHwab-zada

Ambar Bahraichi

MORE BYAmbar Bahraichi

    ham ḳhvāb-zada

    piile mausam ke añgāroñ se jale hue

    palkoñ meñ rañg-birañge ḳhāke bhare hue

    sāñsoñ ko roke hue

    musalsal ḳhvābīda haiñ

    dekh rahe haiñ ḳhud ko jañgal aur pahāḌoñ ke shānoñ par uḌte hue

    aag ugalte jharnoñ bāñhoñ meñ naġhme gaate hue

    ḳhush-paikar rū-posh parindoñ ke ham-rāh fazā vus.at ko larzīda karte hue

    sayyāroñ aur kahkashāoñ duniyā se bhī kuchh aage baḌhte hue

    niile sāgar ke gahre siine meñ parbat choTī par mūñge gul-rañg chaTTānoñ par

    lahroñ se laḌte hue

    ham ḳhvāb-zada piile mausam ke añgāroñ se jale hue

    jiine ḳhvāhish meñ aise lamhe roz churā lete haiñ

    ḳhud se ḳhud karb isī tevar se roz chhupā lete haiñ

    āñkheñ kyā khultī haiñ pāgal bārah-singhoñ ke hamloñ se

    ḳhud ko ghirā huā paate haiñ

    ham himmat ke dhanī khaḌe to ho jaate haiñ

    lekin ik ifrīt hamāre pairoñ ko yuuñ kas letā hai

    ham behis aur be-dast-o-pā ho jaate haiñ

    ḳhvāboñ vaadī meñ pahuñch kar

    ḳhaak samundar aur ḳhalā ke

    sab rañgoñ se haath milā ke hañs paḌte haiñ

    palkoñ ke sad-rañg tilismoñ bāhoñ meñ āḳhir kab tak

    ham sāñso ko bahlā.eñge

    lamhoñ ke is jabr-e-musalsal se ḳhud ko kab rihā kareñge

    ham ḳhvāb-zada piile mausam ke añgāroñ se jale hue

    hum KHwab-zada

    pile mausam ke angaron se jale hue

    palkon mein rang-birange KHake bhare hue

    sanson ko roke hue

    musalsal KHwabida hain

    dekh rahe hain KHud ko jangal aur pahaDon ke shanon par uDte hue

    aag ugalte jharnon ki banhon mein naghme gate hue

    KHush-paikar ru-posh parindon ke ham-rah faza ki wusat ko larzida karte hue

    sayyaron aur kahkashaon ki duniya se bhi kuchh aage baDhte hue

    nile sagar ke gahre sine mein parbat ki choTi par munge ki gul-rang chaTTanon par

    lahron se laDte hue

    hum KHwab-zada pile mausam ke angaron se jale hue

    jine ki KHwahish mein aise lamhe roz chura lete hain

    KHud se KHud ka karb isi tewar se roz chhupa lete hain

    aankhen kya khulti hain pagal barah-singhon ke hamlon se

    KHud ko ghira hua pate hain

    hum himmat ke dhani khaDe to ho jate hain

    lekin ek ifrit hamare pairon ko yun kas leta hai

    hum behis aur be-dast-o-pa ho jate hain

    KHwabon ki wadi mein pahunch kar

    KHak samundar aur KHala ke

    sab rangon se hath mila ke hans paDte hain

    palkon ke sad-rang tilismon ki bahon mein aaKHir kab tak

    hum sanso ko bahlaenge

    lamhon ke is jabr-e-musalsal se KHud ko kab riha karenge

    hum KHwab-zada pile mausam ke angaron se jale hue

    Source :
    • Book : doob (Pg. 124)
    • Author : amber bahraichii
    • Publication : danish mahal aminabad lucknow (1990)
    • Edition : 1990
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY