ham-zad

Shaz Tamkanat

ham-zad

Shaz Tamkanat

MORE BYShaz Tamkanat

    vo ik shaḳhs jis shabāhat se mujh ko

    bahut ḳhvār o sharminda honā paḌā thā

    qabā ruuh malgajī ho ga.ī thī

    ka.ī baar dāman ko dhonā paḌā thā

    vo mujh jaisī āñkheñ jabīñ hoñT abrū

    ki baaqī na thā kuchh bhī farq-e-man-o-tū

    vahī chaal āvāz qad rañg maddham

    vahī tarz-e-guftār Thahrāo kam kam

    ḳhudā jaane kyā kyā mashāġhil the us ke

    mire paas log aa.e aa aa ke lauTe

    ka.ī mujh se uljhe ka.ī mujh se jhagḌe

    maiñ rotā rahā be-gunāhī ronā

    mire jurm par log the qahqaha-zan

    na kaam aayā apnī tabāhī ronā

    vo zulmat meñ chhup chhup ke din kāTtā thā

    maiñ din ke ujāle meñ maarā gayā thā

    sunā raat vo mar gayā kyā ġhazab hai

    use dafn kar aa.e logoñ ko dekho

    maiñ kam-baḳht nazroñ se ojhal kab thā

    ye kyā kar diyā haa.e logoñ ko dekho

    wo ek shaKHs jis ki shabahat se mujh ko

    bahut KHwar o sharminda hona paDa tha

    qaba ruh ki malgaji ho gai thi

    kai bar daman ko dhona paDa tha

    wo mujh jaisi aankhen jabin honT abru

    ki baqi na tha kuchh bhi farq-e-man-o-tu

    wahi chaal aawaz qad rang maddham

    wahi tarz-e-guftar Thahrao kam kam

    KHuda jaane kya kya mashaghil the us ke

    mere pas log aae aa aa ke lauTe

    kai mujh se uljhe kai mujh se jhagDe

    main rota raha be-gunahi ka rona

    mere jurm par log the qahqaha-zan

    na kaam aaya apni tabahi ka rona

    wo zulmat mein chhup chhup ke din kaTta tha

    main din ke ujale mein mara gaya tha

    suna raat wo mar gaya kya ghazab hai

    use dafn kar aae logon ko dekho

    main kam-baKHt nazron se ojhal hi kab tha

    ye kya kar diya hae logon ko dekho

    RECITATIONS

    Nomaan Shauque

    Nomaan Shauque

    Nomaan Shauque

    Ham-zad -Shaz Tamkanat Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY