hamare dukhon ka ilaj kahan hai

Abrar Ahmad

hamare dukhon ka ilaj kahan hai

Abrar Ahmad

MORE BY Abrar Ahmad

    agar hamāre dukhoñ ilaaj

    niiñd hai

    to koī ham se ziyāda gahrī niiñd nahīñ so saktā

    aur na itnī āsānī aur ḳhūb-sūratī se

    koī niiñd meñ chal saktā hai

    agar hamāre dukhoñ ilaaj

    jāgnā hai

    to ham is qadar jaag sakte haiñ

    ki har raat hamārī āñkhoñ meñ ārām kar saktī hai

    aur har darvāza

    hamāre dil meñ khul saktā hai

    agar hamāre dukhoñ ilaaj

    hañsnā hai

    to ham itnā hañs sakte haiñ

    ki parinde, daraḳhtoñ se uḌ jaa.eñ

    aur pahāḌ hamārī hañsī guuñj se bhar jaa.eñ

    ham itnā hañs sakte haiñ

    ki koī masḳhara pāgal

    is tasavvur tak nahīñ kar saktā

    agar hamāre dukhoñ ilaaj

    ronā hai

    to hamāre paas itne aañsū haiñ

    ki in meñ saarī duniyā ko Duboyā saktā hai

    jahannam bujhā.e sakte haiñ

    aur saarī zamīn ko paanī diyā saktā hai

    agar hamāre dukhoñ ilaaj

    jiinā hai

    to ham se ziyāda bā-ma.anī zindagī

    kaun guzār saktā hai

    aur kaun aise salīqe aur aziyyat se

    is duniyā ko dekh saktā hai

    agar hamāre dukhoñ ilaaj

    bolnā hai

    to ham havā tarah guftugū kar sakte haiñ

    aur apne lafzoñ ḳhushbū se

    phuul khilā sakte haiñ

    aur agar tum kahte ho:

    hamāre dukhoñ ilaaj kahīñ nahīñ hai

    to ham chup rah sakte haiñ

    qabroñ se bhī ziyāda

    agar hamare dukhon ka ilaj

    nind hai

    to koi hum se ziyaada gahri nind nahin so sakta

    aur na hi itni aasani aur KHub-surati se

    koi nind mein chal sakta hai

    agar hamare dukhon ka ilaj

    jagna hai

    to hum is qadar jag sakte hain

    ki har raat hamari aankhon mein aaram kar sakti hai

    aur har darwaza

    hamare dil mein khul sakta hai

    agar hamare dukhon ka ilaj

    hansna hai

    to hum itna hans sakte hain

    ki parinde, daraKHton se uD jaen

    aur pahaD hamari hansi ki gunj se bhar jaen

    hum itna hans sakte hain

    ki koi masKHara ya pagal

    is ka tasawwur tak nahin kar sakta

    agar hamare dukhon ka ilaj

    rona hai

    to hamare pas itne aansu hain

    ki in mein sari duniya ko Duboya ja sakta hai

    jahannam bujhae ja sakte hain

    aur sari zamin ko pani diya ja sakta hai

    agar hamare dukhon ka ilaj

    jina hai

    to hum se ziyaada ba-mani zindagi

    kaun guzar sakta hai

    aur kaun aise saliqe aur aziyyat se

    is duniya ko dekh sakta hai

    agar hamare dukhon ka ilaj

    bolna hai

    to hum hawa ki tarah guftugu kar sakte hain

    aur apne lafzon ki KHushbu se

    phul khila sakte hain

    aur agar tum kahte ho:

    hamare dukhon ka ilaj kahin nahin hai

    to hum chup rah sakte hain

    qabron se bhi ziyaada

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY