hasin aag

Jaan Nisar Akhtar

hasin aag

Jaan Nisar Akhtar

MORE BY Jaan Nisar Akhtar

    INTERESTING FACT

    Dedicated to his wife Safia

    terī peshānī-e-rañgīñ meñ jhalaktī hai jo aag

    tere ruḳhsār ke phūloñ meñ damaktī hai jo aag

    tere siine meñ javānī dahaktī hai jo aag

    zindagī ye hasīñ aag mujhe bhī de de

    terī āñkhoñ meñ farozāñ haiñ javānī ke sharār

    lab-e-gul-rañg pe raqsāñ haiñ javānī ke sharār

    terī har saañs meñ ġhaltāñ haiñ javānī ke sharār

    zindagī ye hasīñ aag mujhe bhī de de

    har adā meñ hai javāñ ātish-e-jazbāt rau

    ye machalte hue sho.ale ye taḌaptī huī lau

    aa mirī ruuh pe bhī Daal de apnā partav

    zindagī ye hasīñ aag mujhe bhī de de

    kitnī mahrūm nigāheñ haiñ tujhe kyā ma.alūm

    kitnī tarsī huī bāheñ haiñ tujhe kyā ma.alūm

    kaisī dhundlī mirī rāheñ haiñ tujhe kyā ma.alūm

    zindagī ye hasīñ aag mujhe bhī de de

    aa ki zulmat meñ koī nuur sāmāñ kar luuñ

    apne tārīk shabistāñ ko shabistāñ kar luuñ

    is añdhere meñ koī sham.a farozāñ kar luuñ

    zindagī ye hasīñ aag mujhe bhī de de

    bār-e-zulmāt se siine fazā hai bojhal

    na koī sāz-e-tamannā na koī soz-e-amal

    aa ki mash.al se tirī maiñ bhī jalā luuñ mash.al

    zindagī ye hasīñ aag mujhe bhī de de

    teri peshani-e-rangin mein jhalakti hai jo aag

    tere ruKHsar ke phulon mein damakti hai jo aag

    tere sine mein jawani ki dahakti hai jo aag

    zindagi ki ye hasin aag mujhe bhi de de

    teri aankhon mein farozan hain jawani ke sharar

    lab-e-gul-rang pe raqsan hain jawani ke sharar

    teri har sans mein ghaltan hain jawani ke sharar

    zindagi ki ye hasin aag mujhe bhi de de

    har ada mein hai jawan aatish-e-jazbaat ki rau

    ye machalte hue shoale ye taDapti hui lau

    aa meri ruh pe bhi Dal de apna partaw

    zindagi ki ye hasin aag mujhe bhi de de

    kitni mahrum nigahen hain tujhe kya malum

    kitni tarsi hui bahen hain tujhe kya malum

    kaisi dhundli meri rahen hain tujhe kya malum

    zindagi ki ye hasin aag mujhe bhi de de

    aa ki zulmat mein koi nur ka saman kar lun

    apne tarik shabistan ko shabistan kar lun

    is andhere mein koi shama farozan kar lun

    zindagi ki ye hasin aag mujhe bhi de de

    bar-e-zulmat se sine ki faza hai bojhal

    na koi saz-e-tamanna na koi soz-e-amal

    aa ki mashal se teri main bhi jala lun mashal

    zindagi ki ye hasin aag mujhe bhi de de

    Source:

    • Book: Kulliyat-e-Jaan Nisar Akhtar (Pg. 288)
    • Author: Jaan Nisar Akhtar
    • Publication: Alhamd Publications (2003)
    • Edition: 2003
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites