hawa jam-e-sehat tajwiz karti hai

Parveen Shakir

hawa jam-e-sehat tajwiz karti hai

Parveen Shakir

MORE BYParveen Shakir

    mujhe mālūm thā

    ye din bhī dukh kokh se phūTā hai

    merī mātamī chādar

    nahīñ tabdīl hogī aaj ke din bhī

    jo raakh uḌtī thī ḳhvāboñ badan meñ

    yūñhī āshufta rahegī

    aur udāsī yahī sūrat rahegī

    maiñ apne sog meñ mātam-kunāñ

    yuuñ sar-ba-zānū raat tak baiThī rahūñgī

    aur mire ḳhvāboñ pursa aaj bhī koī nahīñ degā

    magar ye kaun hai

    jo yuuñ mujhe bāhar bulātā hai

    baḌī narmī se kahtā hai

    ki apne hujra-e-ġham se nikal kar baaġh meñ aao

    zarā bāhar to dekho

    duur tak sabza bichhā hai

    aur harī shāḳhoñ pe nāranjī shagūfe muskurāte haiñ

    mulā.em sabz pattoñ par paḌī shabnam

    sunahrī dhuup meñ hiire sūrat jagmagātī hai

    daraḳhtoñ meñ chhupī naddī

    bahut dhīme suroñ meñ gungunātī hai

    chamakte zard phūloñ se ladī nannhī pahāḌī ke aqab meñ

    nuqra.ī chashma ḳhushī se khilkhilātā hai

    parind-e-ḳhush-gulū

    shāḳh-e-shagufta par chahaktā hai

    ghane jañgal meñ bārish ġhubār-e-sabz

    sat.h-e-shīsha-e-dil par

    mulā.em uñgliyoñ se marhabā ke lafz likhtā hai

    koī aatā hai

    aa kar chādar-e-ġham ko baḌī āhistagī se

    mere shānoñ se haTā kar

    saat rangoñ dupaTTa khol kar mujh ko uḌātā hai

    maiñ khul kar saañs letī huuñ

    mire andar

    koī pairoñ meñ ghuñghrū bāñdhtā hai

    raqs āġhāz kartā hai

    mire kānoñ ke āvezoñ ko ye kis ne chhuā

    jis se laveñ phir se gulābī ho ga.ī haiñ

    koī sargoshiyoñ meñ phir se merā naam letā hai

    fazā naġhmagī āvāz detī hai

    havā jām-e-sehat tajvīz kartī hai

    mujhe malum tha

    ye din bhi dukh ki kokh se phuTa hai

    meri matami chadar

    nahin tabdil hogi aaj ke din bhi

    jo rakh uDti thi KHwabon ki badan mein

    yunhi aashufta rahegi

    aur udasi ki yahi surat rahegi

    main apne sog mein matam-kunan

    yun sar-ba-zanu raat tak baiThi rahungi

    aur mere KHwabon ka pursa aaj bhi koi nahin dega

    magar ye kaun hai

    jo yun mujhe bahar bulata hai

    baDi narmi se kahta hai

    ki apne hujra-e-gham se nikal kar bagh mein aao

    zara bahar to dekho

    dur tak sabza bichha hai

    aur hari shaKHon pe naranji shagufe muskuraate hain

    mulaem sabz patton par paDi shabnam

    sunahri dhup mein hire ki surat jagmagati hai

    daraKHton mein chhupi naddi

    bahut dhime suron mein gungunati hai

    chamakte zard phulon se ladi nannhi pahaDi ke aqab mein

    nuqrai chashma KHushi se khilkhilata hai

    parind-e-KHush-gulu

    shaKH-e-shagufta par chahakta hai

    ghane jangal mein barish ka ghubar-e-sabz

    sath-e-shisha-e-dil par

    mulaem ungliyon se marhaba ke lafz likhta hai

    koi aata hai

    aa kar chadar-e-gham ko baDi aahistagi se

    mere shanon se haTa kar

    sat rangon ka dupaTTa khol kar mujh ko uData hai

    main khul kar sans leti hun

    mere andar

    koi pairon mein ghunghru bandhta hai

    raqs ka aaghaz karta hai

    mere kanon ke aawezon ko ye kis ne chhua

    jis se lawen phir se gulabi ho gai hain

    koi sargoshiyon mein phir se mera nam leta hai

    faza ki naghmagi aawaz deti hai

    hawa jam-e-sehat tajwiz karti hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY