hawaen git gati hain

havā.eñ giit gaatī haiñ

badalte mausamoñ ke anginat qisse sunātī haiñ

shajar se zard pattoñ ko girā kar muskurātī haiñ

havā.eñ giit gaatī haiñ

thake haare musāfir shaam Dhalte hī

kisī sahrā meñ jab apnā paḌāv Daal dete haiñ

to sahrā kī havā.eñ

har musāfir kā sandesa le ke aatī haiñ

unheñ jā kar sunātī haiñ

jo apne ghar kī chaukhaT par

kisī kī raah takte haiñ

jo aksar shaam Dhalte hī

charāġh-e-dil muñDeroñ par jalāte haiñ

kisī ke lauT aane kī tamannā meñ

baḌe sadme uThāte haiñ

havā.eñ be-yaqīn un muntazir āñkhoñ ko jab chhū kar guzartī haiñ

to un meñ e'tibār aur ārzūoñ ke sitāre jhilmilātī haiñ

havā.eñ giit gaatī haiñ

hawaen git gati hain

badalte mausamon ke anginat qisse sunati hain

shajar se zard patton ko gira kar muskuraati hain

hawaen git gati hain

thake haare musafir sham Dhalte hi

kisi sahra mein jab apna paDaw Dal dete hain

to sahra ki hawaen

har musafir ka sandesa le ke aati hain

unhen ja kar sunati hain

jo apne ghar ki chaukhaT par

kisi ki rah takte hain

jo aksar sham Dhalte hi

charagh-e-dil munDeron par jalate hain

kisi ke lauT aane ki tamanna mein

baDe sadme uThate hain

hawaen be-yaqin un muntazir aankhon ko jab chhu kar guzarti hain

to un mein e'tibar aur aarzuon ke sitare jhilmilati hain

hawaen git gati hain