hirs

auroñ kī kyā kahiye ḳhud merā dil bhī añgāroñ kā matbaḳh hai

sadā mirī āñkhoñ meñ ik vo kashish dahaktī hai jo

sab ko apnī jānib khīñch kar mere vaar kī zad meñ le aatī hai

sab kuchh merī talab kī tishnagiyoñ ke dahāne par hai

añgāroñ ke us matbaḳh meñ girne ko hai

gāḌhā lajz lahū ik vo kailūs jo añgāroñ kā istihāla hai

us mere dil kī kaalī quvvat hai meñ jis ke pas meñ hoñ

ye quvvat mujh se kahtī hai

dekh mire añgāre merī taḌap kā rañg haiñ ab kuchh to un kī ḳhātir bhī

aur añgāre ugaltī sāñsoñ ke saath ab meñ

is duniyā ke andar apne shikār kī talāsh meñ

ik ik ruuh kī ghaat meñ

ik ik ruuh ke sāmne savālī ban ke khaḌā huuñ

mere dil meñ añgāroñ ke dandāne paiham juḌte aur khulte haiñ

bāhar kisī karam kī banāvaT meñ hoñT ek oñkhā Thahrā Thahrā TeḌhā zāviya sā haiñ

koī mujhe ab pahchānegā

kis tarah hañs hañs kar mujh se miltī hai duniyā bad-baḳht

auron ki kya kahiye KHud mera dil bhi angaron ka matbaKH hai

sada meri aankhon mein ek wo kashish dahakti hai jo

sab ko apni jaanib khinch kar mere war ki zad mein le aati hai

sab kuchh meri talab ki tishnagiyon ke dahane par hai

angaron ke us matbaKH mein girne ko hai

gaDha lajz lahu ek wo kailus jo angaron ka istihaala hai

us mere dil ki kali quwwat hai mein jis ke pas mein hon

ye quwwat mujh se kahti hai

dekh mere angare meri taDap ka rang hain ab kuchh to un ki KHatir bhi

aur angare ugalti sanson ke sath ab mein

is duniya ke andar apne shikar ki talash mein

ek ek ruh ki ghat mein

ek ek ruh ke samne sawali ban ke khaDa hun

mere dil mein angaron ke dandane paiham juDte aur khulte hain

bahar kisi karam ki banawaT mein honT ek onkha Thahra Thahra TeDha zawiya sa hain

koi mujhe ab pahchanega

kis tarah hans hans kar mujh se milti hai duniya bad-baKHt