hubb-e-watan

Altaf Hussain Hali

hubb-e-watan

Altaf Hussain Hali

MORE BY Altaf Hussain Hali

    ai vatan ai mire bahisht-e-barīñ

    kyā hue tere āsmān zamīñ

    raat aur din vo samāñ na rahā

    vo zamīñ aur vo āsmāñ na rahā

    sach batā sabhī ko bhātā hai

    ki mujh se terā naatā hai

    maiñ kartā huuñ tujh pe jān-nisār

    ki duniyā hai terī āshiq-e-zār

    kyā zamāne ko aziiz nahīñ

    ai vatan to aisī chiiz nahīñ

    jinn-o-insān hayāt hai

    murġh-o-māhī kā.enāt hai

    hai nabātāt numū tujh se

    ruukh tujh bin hare nahīñ hote

    sab ko hotā hai tujh se nash-o-numā

    sab ko bhātī hai terī āb-o-havā

    terī ik musht-e-ḳhāk ke badle

    luuñ na hargiz agar bahisht mile

    jaan jab tak na ho badan se judā

    koī dushman na ho vatan se judā

    baiThe be-fikr kyā ho ham-vatano

    uTTho ahl-e-vatan ke dost bano

    tum agar chāhte ho mulk ḳhair

    na kisī ham-vatan ko samjho ġhair

    hoñ musalmān is meñ hindū

    bodh maz.hab ho ki ho brahamū

    sab ko mīThī nigāh se dekho

    samjho āñkhoñ putliyāñ sab ko

    mulk haiñ ittifāq se āzād

    shahr haiñ ittifāq se ābād

    hind meñ ittifāq hotā agar

    khāte ġhairoñ Thokareñ kyūñkar

    qaum jab ittifāq kho baiThī

    apnī pūñjī se haath dho baiThī

    ek ek ho gayā bad-ḳhvāh

    lagī ġhairoñ tum pe paḌne nigāh

    phir ga.e bhā.iyoñ se jab bhaa.ī

    jo na aanī thī vo balā aa.ī

    paañv iqbāl ke ukhaḌne lage

    mulk par sab ke haath paḌne lage

    kabhī tūrāniyoñ ne ghar luuTā

    kabhī durrāniyoñ ne zar luuTā

    kabhī nādir ne qatl-e-ām kiyā

    kabhī mahmūd ne ġhulām kiyā

    sab se āḳhir ko le ga.ī baazī

    ek shā.ista qaum maġhrib

    mulk rauñde ga.e haiñ pairoñ se

    chain kis ko milā ġhairoñ se

    chhoḌo afsurdagī ko josh meñ aao

    bas bahut so.e uTTho hosh meñ aao

    qāfile tum se baḌh ga.e kosoñ

    rahe jaate ho sab se pīchhe kyuuñ

    qāfiloñ se agar milā chāho

    mulk aur qaum bhalā chāho

    gar rahā chāhte ho izzat se

    bhā.iyoñ ko nikālo zillat se

    qaum mubtazil hai jo insāñ

    be-haqīqat hai garche hai sultāñ

    qaum duniyā meñ jis hai mumtāz

    ho faqīrī meñ bhī vo bā-e.azāz

    izzat-e-qaum chāhte ho agar

    ke phailāo in meñ ilm-o-hunar

    zaat faḳhr aur nasab ġhurūr

    uTh ga.e ab jahāñ se ye dastūr

    ab na sayyad iftiḳhār sahīh

    na barahman ko shudr par tarjīh

    qaum izzat ab hunar se hai

    ilm se ki sīm-o-zar se hai

    koī din meñ vo daur aa.egā

    be-hunar bhiik tak na pā.egā

    na raheñge sadā yahī din-rāt

    yaad rakhnā hamārī aaj baat

    gar nahīñ sunte qaul 'hālī'

    phir na kahnā ki koī kahtā thā

    ai watan ai mere bahisht-e-barin

    kya hue tere aasman zamin

    raat aur din ka wo saman na raha

    wo zamin aur wo aasman na raha

    sach bata tu sabhi ko bhata hai

    ya ki mujh se hi tera nata hai

    main hi karta hun tujh pe jaan-nisar

    ya ki duniya hai teri aashiq-e-zar

    kya zamane ko tu aziz nahin

    ai watan tu to aisi chiz nahin

    jinn-o-insan ki hayat hai tu

    murgh-o-mahi ki kaenat hai tu

    hai nabaatat ka numu tujh se

    rukh tujh bin hare nahin hote

    sab ko hota hai tujh se nash-o-numa

    sab ko bhati hai teri aab-o-hawa

    teri ek musht-e-KHak ke badle

    lun na hargiz agar bahisht mile

    jaan jab tak na ho badan se juda

    koi dushman na ho watan se juda

    baiThe be-fikr kya ho ham-watano

    uTTho ahl-e-watan ke dost bano

    tum agar chahte ho mulk ki KHair

    na kisi ham-watan ko samjho ghair

    hon musalman is mein ya hindu

    bodh mazhab ho ya ki ho brahamu

    sab ko miThi nigah se dekho

    samjho aankhon ki putliyan sab ko

    mulk hain ittifaq se aazad

    shahr hain ittifaq se aabaad

    hind mein ittifaq hota agar

    khate ghairon ki Thokaren kyunkar

    qaum jab ittifaq kho baiThi

    apni punji se hath dho baiThi

    ek ka ek ho gaya bad-KHwah

    lagi ghairon ki tum pe paDne nigah

    phir gae bhaiyon se jab bhai

    jo na aani thi wo bala aai

    panw iqbaal ke ukhaDne lage

    mulk par sab ke hath paDne lage

    kabhi turaniyon ne ghar luTa

    kabhi durraniyon ne zar luTa

    kabhi nadir ne qatl-e-am kiya

    kabhi mahmud ne ghulam kiya

    sab se aaKHir ko le gai bazi

    ek shaista qaum maghrib ki

    mulk raunde gae hain pairon se

    chain kis ko mila hi ghairon se

    chhoDo afsurdagi ko josh mein aao

    bas bahut soe uTTho hosh mein aao

    qafile tum se baDh gae koson

    rahe jate ho sab se pichhe kyun

    qafilon se agar mila chaho

    mulk aur qaum ka bhala chaho

    gar raha chahte ho izzat se

    bhaiyon ko nikalo zillat se

    qaum ka mubtazil hai jo insan

    be-haqiqat hai garche hai sultan

    qaum duniya mein jis ki hai mumtaz

    ho faqiri mein bhi wo ba-eazaz

    izzat-e-qaum chahte ho agar

    ja ke phailao in mein ilm-o-hunar

    zat ka faKHr aur nasab ka ghurur

    uTh gae ab jahan se ye dastur

    ab na sayyad ka iftiKHar sahih

    na barahman ko shudr par tarjih

    qaum ki izzat ab hunar se hai

    ilm se ya ki sim-o-zar se hai

    koi din mein wo daur aaega

    be-hunar bhik tak na paega

    na rahenge sada yahi din-raat

    yaad rakhna hamari aaj ki baat

    gar nahin sunte qaul 'haali' ka

    phir na kahna ki koi kahta tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY