aadmi ka

MORE BYGhaus Khah makhah Hyderabadi

    ġham-e-musalsal is tapish meñ ki jism jal jaa.e aadmī

    hañsī halkī phuvār bhī ho to kaam chal jaa.e aadmī

    maze gar zarā bhī his hai na hañsī ko aur qahqahe ko chhoḌo

    chaman meñ gar phuul muskurā de to dil bahal jaa.e aadmī

    musībatoñ muqābla jo hamesha hañste hue karegā

    jo vaqt-e-mushkil hai aane vaalā to vo bhī Tal jaa.e aadmī

    kisī ko girne se Toknā mat durusht lahje meñ yaad rakho

    tabassum-āmez ho nasīhat qadam sañbhal jaa.e aadmī

    zamāna achchhā guzar gayā to ye din bure bhī nahīñ raheñge

    na ho agar ye qarīb paiham to dam nikal jaa.e aadmī

    gunāhgāroñ aur āsiyoñ ko azāb-e-dozaḳh se vā.izo tum

    Darāo be-shak magar na itnā ki dil dahal jaa.e aadmī

    ibādatoñ ke muāvze meñ milegī jo ābidoñ ko jannat

    tum us naqsha kuchh aisā khīñcho ki dil phisal jaa.e aadmī

    naza.a se pahle kare jo tauba vo apnī rahmat se baḳhsh degā

    ajab nahīñ hai ki marte dam bhī dil badal jaa.e aadmī

    ye daur make-up aa gayā hai vo husn-e-sāda kahāñ mile ab

    ki jis bas ik jhalak ko dekhe to dil machal jaa.e aadmī

    fazā-e-masmū.m meñ saañs le kar koī jiyā bhī to kyā karegā

    za.iif hone se qabl jab shabāb Dhal jaa.e aadmī

    na itnī āsān shā.irī ho ki jis mafhūm na nikle

    na itnī mushkil ki jis ko sun kar zehn pighal jaa.e aadmī

    ye zindagī 'ḳhvāh-maḳhvāh' itnī azāb-e-jāñ aur tavīl bhī hai

    agar na hoñ mahfileñ hañsī to dam nikal jaa.e aadmī

    gham-e-musalsal ki is tapish mein ki jism jal jae aadmi ka

    hansi ki halki phuwar bhi ho to kaam chal jae aadmi ka

    maze ki gar zara bhi his hai na hansi ko aur qahqahe ko chhoDo

    chaman mein gar phul muskura de to dil bahal jae aadmi ka

    musibaton ka muqabla jo hamesha hanste hue karega

    jo waqt-e-mushkil hai aane wala to wo bhi Tal jae aadmi ka

    kisi ko girne se Tokna mat durusht lahje mein yaad rakho

    tabassum-amez ho nasihat qadam sanbhal jae aadmi ka

    zamana achchha guzar gaya to ye din bure bhi nahin rahenge

    na ho agar ye qarib paiham to dam nikal jae aadmi ka

    gunahgaron aur aasiyon ko azab-e-dozaKH se waizo tum

    Darao be-shak magar na itna ki dil dahal jae aadmi ka

    ibaadaton ke muawze mein milegi jo aabidon ko jannat

    tum us ka naqsha kuchh aisa khincho ki dil phisal jae aadmi ka

    naza se pahle kare jo tauba wo apni rahmat se baKHsh dega

    ajab nahin hai ki marte dam bhi dil badal jae aadmi ka

    ye daur make-up ka aa gaya hai wo husn-e-sada kahan mile ab

    ki jis ki bas ek jhalak ko dekhe to dil machal jae aadmi ka

    faza-e-masmum mein sans le kar koi jiya bhi to kya karega

    zaif hone se qabl hi jab shabab Dhal jae aadmi ka

    na itni aasan shairi ho ki jis ka mafhum hi na nikle

    na itni mushkil ki jis ko sun kar zehn pighal jae aadmi ka

    ye zindagi 'KHwah-maKHwah' itni azab-e-jaan aur tawil bhi hai

    agar na hon mahfilen hansi ki to dam nikal jae aadmi ka

    Source :

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now