حروف و الفاظ کے ذخیرے
حروف و الفاظ کے ذخیرے
یہی ہیں وہ دائرے
کہ جن میں اسیر تم بھی ہو اور میں بھی
تمھارا جو نام
چند حرفوں سے مل کے بنتا ہے
چاہے مفہوم اس کا کچھ بھی ہو
چاہے مفہوم سے وہ خالی ہو
چاہے اس کیفیت کے برعکس ہو
جو تم میں نمود پاتی ہے
ایسی اک روح
جو کسی جسم میں
کسی آئینہ میں اتری ہو
ایک پیکر میں ڈھل گئی ہو
مرا بھی اک نام ہے
اسی نام سے لوگ مجھے جانتے ہیں
یہ نام بھی
چند الفاظ کو ملانے سے بن گیا ہے
اب اس کا کیا ذکر مجھ پہ یہ کتنا سج رہا ہے
تو کیا ہمارا تمھارا سمبندھ اتنا ہی ہے
کہ چند الفاظ
چند الفاظ سے مل رہے ہیں
مگر اسی نام کے تو کچھ اور لوگ ہوں گے
اگر نہ ہوں گے تو کل اسی نام کے اور کئی لوگ ہوں گے
اگر ہمارا وجود ان سے کچھ ماورا ہے
حروف و الفاظ سے سوا ہے
تو اس کے اظہار کا اور ڈھنگ کیا ہے
مأخذ:
تیری صدا کا انتظار (Pg. 118)
- مصنف: Khaleel-Ur-Rehman Azmi
-
- اشاعت: First
- ناشر: ریختہ پبلی کیشنز
- سن اشاعت: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
