i m blue

maiñ tanhā thā

kal bhī aur aaj bhī

maiñ jāntā thā ki maiñ niilā huuñ

lekin tumhārī āvāz par maiñ bāhar nikal aayā

gore kaale aur ḳhākistaryoñ ke darmiyān

aur ab maiñ zaḳhmī huuñ

kaash tum mujh se nafrat kartīñ to maiñ vāpas tanhā.ī ke tane meñ chhup jaatā

jahāñ mere aañsū shāḳhoñ par ugte

aur maiñ fan ke mīThe phal detā

tum ne jab jab āvāz dī

merī tanhā.ī mujh se ruuTh ga.ī

aur maiñ har baar karāhtā huā lauTā

rahm ek afsāna hai

mujh par likh Daalo

kabhī to ehsās ko uñgliyoñ pe gin Daalo

maiñ apne ġhamoñ aur ḳhushiyoñ

eidoñ aur shab-rātoñ kī sāthī

apnī dulhan tanhā.ī ko

bhairvīñ ke komal suroñ kī tarah

sadā suhāgan rakhūñgā

main tanha tha

kal bhi aur aaj bhi

main jaanta tha ki main nila hun

lekin tumhaari aawaz par main bahar nikal aaya

gore kale aur KHakistaryon ke darmiyan

aur ab main zaKHmi hun

kash tum mujh se nafrat kartin to main wapas tanhai ke tane mein chhup jata

jahan mere aansu shaKHon par ugte

aur main fan ke miThe phal deta

tum ne jab jab aawaz di

meri tanhai mujh se ruTh gai

aur main har bar karahta hua lauTa

rahm ek afsana hai

mujh par likh Dalo

kabhi to ehsas ko ungliyon pe gin Dalo

main apne ghamon aur KHushiyon

eidon aur shab-raaton ki sathi

apni dulhan tanhai ko

bhairwin ke komal suron ki tarah

sada suhagan rakhunga