idhar bhi aa

ye johd-o-kashmakash ye ḳharosh-e-jahāñ bhī dekh

adbār kii, saroñ pe ghanī badliyāñ bhī dekh

ye top ye tufañg ye teġh o sinān bhī dekh

o kushta-e-nigār-e-dil-ārā idhar bhī aa

aa, aur bigul kā naġhma-e-''jāñ-āfrīñ'' bhī sun

aa, be-kasoñ kā nāla-e-andoh-gīñ bhī sun

aa, bāġhiyoñ kā zamzama-e-ātishīñ bhī sun

o mast-e-sāz-o-barbat-o-naġhma idhar bhī aa

taqdīr kuchh ho, kāvish-e-tadbīr bhī to hai

taḳhrīb ke libās meñ ta.amīr bhī to hai

zulmāt ke hijāb meñ tanvīr bhī to hai

aa muntazir hai ishrat-e-fardā idhar bhī aa

ye johd-o-kashmakash ye KHarosh-e-jahan bhi dekh

adbar ki, saron pe ghani badliyan bhi dekh

ye top ye tufang ye tegh o sinan bhi dekh

o kushta-e-nigar-e-dil-ara idhar bhi aa

aa, aur bigul ka naghma-e-jaan-afrin bhi sun

aa, be-kason ka nala-e-andoh-gin bhi sun

aa, baghiyon ka zamzama-e-atishin bhi sun

o mast-e-saz-o-barbat-o-naghma idhar bhi aa

taqdir kuchh ho, kawish-e-tadbir bhi to hai

taKHrib ke libas mein tamir bhi to hai

zulmat ke hijab mein tanwir bhi to hai

aa muntazir hai ishrat-e-farda idhar bhi aa