id

koī be-sāḳhta ehsās na jazba na lahak

be-dilī sī thī ajab iid ke hangāme meñ

raat bhar aas meñ ghultī rahī mehñdī lekin

kisī shaffāf hathelī ne na chhū kar dekhā

sard āñgan meñ TheThurtā rahā kuḌhtā rahā chāñd

garm kamroñ ne idhar ko na palaT kar dekhā

saarā din ghar ko sajāte rahe āvāzoñ se

aur āvāzoñ se vahshat bhī bahut khāte rahe

Tahniyāñ sī ka.ī TuuTā karīñ andar andar

sūkhe patte se bahut pairoñ tale aate rahe

yaad ke sahn se pattoñ ko baTorā ham ne

chand TuuTī huī tasvīroñ ko joḌā ham ne

kisī joḌī huī ummīd ko toḌā ham ne

be-salīqa sā bahut iid kā hañgām rahā

iid ke roz bhī ham ko to bahut kaam rahā

koi be-saKHta ehsas na jazba na lahak

be-dili si thi ajab id ke hangame mein

raat bhar aas mein ghulti rahi mehndi lekin

kisi shaffaf hatheli ne na chhu kar dekha

sard aangan mein TheThurta raha kuDhta raha chand

garm kamron ne idhar ko na palaT kar dekha

sara din ghar ko sajate rahe aawazon se

aur aawazon se wahshat bhi bahut khate rahe

Tahniyan si kai TuTa karin andar andar

sukhe patte se bahut pairon tale aate rahe

yaad ke sahn se patton ko baTora hum ne

chand TuTi hui taswiron ko joDa hum ne

kisi joDi hui ummid ko toDa hum ne

be-saliqa sa bahut id ka hangam raha

id ke roz bhi hum ko to bahut kaam raha