ilm

ilm se apnī shaan hai yaaro

ilm se apnī aan hai yaaro

ilm se izzat-e-vatan bhī hai

ilm se hurmat-e-chaman bhī hai

ilm hāsil hai zindagānī kā

ilm hāsil hai kāmrānī kā

ilm ik shahr hai mohabbat kā

ilm ik desh hai sadāqat kā

ilm ik parcham-e-vafā bhī hai

ilm ā.īna-e-hayā bhī hai

ilm se raushnī milī ham ko

ilm se zindagī milī ham ko

ilm se tīrgī ko duur karo

kaam achchhā hai tum zarūr karo

ilm se apnā bol-bālā hai

saarī duniyā meñ jo ujālā hai

ilm kī raushnī dikhāo unheñ

ilm kyā chiiz hai dikhāo unheñ

aao mil-jul ke ham paḌheñ yaaro

sīdhe raste pe ham chaleñ yaaro

ilm se apni shan hai yaro

ilm se apni aan hai yaro

ilm se izzat-e-watan bhi hai

ilm se hurmat-e-chaman bhi hai

ilm hasil hai zindagani ka

ilm hasil hai kaamrani ka

ilm ek shahr hai mohabbat ka

ilm ek desh hai sadaqat ka

ilm ek parcham-e-wafa bhi hai

ilm aaina-e-haya bhi hai

ilm se raushni mili hum ko

ilm se zindagi mili hum ko

ilm se tirgi ko dur karo

kaam achchha hai tum zarur karo

ilm se apna bol-baala hai

sari duniya mein jo ujala hai

ilm ki raushni dikhao unhen

ilm kya chiz hai dikhao unhen

aao mil-jul ke hum paDhen yaro

sidhe raste pe hum chalen yaro