علم

علم سے اپنی شان ہے یارو

علم سے اپنی آن ہے یارو

علم سے عزت وطن بھی ہے

علم سے حرمت چمن بھی ہے

علم حاصل ہے زندگانی کا

علم حاصل ہے کامرانی کا

علم اک شہر ہے محبت کا

علم اک دیش ہے صداقت کا

علم اک پرچم وفا بھی ہے

علم آئینۂ حیا بھی ہے

علم سے روشنی ملی ہم کو

علم سے زندگی ملی ہم کو

علم سے تیرگی کو دور کرو

کام اچھا ہے تم ضرور کرو

علم سے اپنا بول بالا ہے

ساری دنیا میں جو اجالا ہے

علم کی روشنی دکھاؤ انہیں

علم کیا چیز ہے دکھاؤ انہیں

آؤ مل جل کے ہم پڑھیں یارو

سیدھے رستے پہ ہم چلیں یارو