inna lillahi o inna ileihi rajeun

Satyapal Anand

inna lillahi o inna ileihi rajeun

Satyapal Anand

MORE BYSatyapal Anand

    ek murda thā jise maiñ ḳhud akelā

    apne kandhoñ par uThā.e

    aaj āḳhir dafn kar ke aa gayā huuñ

    bojh bhārī thā magar apnī rihā.ī ke liye

    behad zarūrī thā ki apne-āp us ko uThā.ūñ

    aur ghar se duur kar dafn kar duuñ

    ye haqīqat thī ki koī vāhima thā

    par ye badbū-dār lāsha

    sirf mujh ko nazar aatā thaa, jaise

    ek nādīda chhalāvā ho mire pīchhe lagā ho

    mere kumbe ke sabhī afrād us

    har jagah maujūdgī se be-ḳhabar the

    sirf maiñ thā jise ye

    TikTikī bāñdhe hue be-nūr āñkhoñ se hamesha ghūrtā thā

    aaj jab maiñ

    apne maazī ye murda dafn kar ke aa gayā huuñ

    kyuuñ ye lagtā hai ki merā

    haal bhī jaise taḌaptā lamha lamha mar rahā ho

    aur mustaqbil meñ jab ye haal bhī maazī banegā

    mujh ko phir ik baar is murde ko kandhoñ par uThā.e

    dafn karne ke liye jaanā paḌegā

    ek murda tha jise main KHud akela

    apne kandhon par uThae

    aaj aaKHir dafn kar ke aa gaya hun

    bojh bhaari tha magar apni rihai ke liye

    behad zaruri tha ki apne-ap hi us ko uThaun

    aur ghar se dur ja kar dafn kar dun

    ye haqiqat thi ki koi wahima tha

    par ye badbu-dar lasha

    sirf mujh ko hi nazar aata tha, jaise

    ek nadida chhalawa ho mere pichhe laga ho

    mere kumbe ke sabhi afrad us ki

    har jagah maujudgi se be-KHabar the

    sirf main hi tha jise ye

    TikTiki bandhe hue be-nur aankhon se hamesha ghurta tha

    aaj jab main

    apne mazi ka ye murda dafn kar ke aa gaya hun

    kyun ye lagta hai ki mera

    haal bhi jaise taDapta lamha lamha mar raha ho

    aur mustaqbil mein jab ye haal bhi mazi banega

    mujh ko phir ek bar is murde ko kandhon par uThae

    dafn karne ke liye jaana paDega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY