intizar

vo ek panchvaTī kā vishāl sā jañgal

jugoñ jugoñ se jahāñ ik ahilya kī shilā

tabāh-kār siyah-fāl bad-duā kā sila

burī tarah se hai apne sharāb meñ pāgal

kabhī ye sochtā hai sañg-o-ḳhisht kā paikar

ḳhud us kī tarah na har rahguzār pathrā jaa.e

vo lauh-e-harf-e-muqaddar bhī jis pe dhuñdlā jaa.e

na jaane kitnī sadī tak rahegī ḳhāk-basar

is aas par take jaatā hai dīda-e-be-nūr

kabhī to pighlegā ye sañg-e-intizār āḳhir

kabhī to raam kī Thokar kā hogā gun zāhir

kabhī to hogā rag-e-sañg meñ lahū kā zuhūr

magar najāt-dahinda abhī nahīñ aayā

hazār saal haiñ darkār dīda-var ke liye

janam janam ke haiñ chakkar na.e safar ke liye

na jaane 'indra' chalegā ki raam aa.egā

wo ek panchwaTi ka wishaal sa jangal

jugon jugon se jahan ek ahilya ki shila

tabah-kar siyah-fal bad-dua ka sila

buri tarah se hai apne sharab mein pagal

kabhi ye sochta hai sang-o-KHisht ka paikar

KHud us ki tarah na har rahguzar pathra jae

wo lauh-e-harf-e-muqaddar bhi jis pe dhundla jae

na jaane kitni sadi tak rahegi KHak-basar

is aas par take jata hai dida-e-be-nur

kabhi to pighlega ye sang-e-intizar aaKHir

kabhi to ram ki Thokar ka hoga gun zahir

kabhi to hoga rag-e-sang mein lahu ka zuhur

magar najat-dahinda abhi nahin aaya

hazar sal hain darkar dida-war ke liye

janam janam ke hain chakkar nae safar ke liye

na jaane 'indra' chalega ki ram aaega