ishq aawara-mizaj

ishq āvāra-mizāj

vo musāfir to gayā

na koī us kī mahak hai ki jo de us kā pata

na koī naqsh-e-kaf-e-pā

na koī us kā nishāñ

koī talḳhī bhī tah-e-jām na chhoḌī us ne

zindagī baaqī hai

ek sanjīda hañsī

soch sī dil meñ basī

tez aa.ī huī saañs

zehn meñ thoḌe se vaqfe se khaTaktī huī phāñs

aur dukhtā huā dil

choT thī jis pe lagī

choT vaisī to nahīñ

dard baaqī to nahīñ

laakh maane na magar

kuchh pashemān sā dil

yuuñ badal jaane par

aap hairān sā dil

us ko kyā apnā pata

ye hai insān kā dil

koī patthar to nahīñ

jis pe miTtī nahīñ paḌ jaa.e jo ik baar lakīr

ishq aawara-mizaj

wo musafir to gaya

na koi us ki mahak hai ki jo de us ka pata

na koi naqsh-e-kaf-e-pa

na koi us ka nishan

koi talKHi bhi tah-e-jam na chhoDi us ne

zindagi baqi hai

ek sanjida hansi

soch si dil mein basi

tez aai hui sans

zehn mein thoDe se waqfe se khaTakti hui phans

aur dukhta hua dil

choT thi jis pe lagi

choT waisi to nahin

dard baqi to nahin

lakh mane na magar

kuchh pasheman sa dil

yun badal jaane par

aap hairan sa dil

us ko kya apna pata

ye hai insan ka dil

koi patthar to nahin

jis pe miTti nahin paD jae jo ek bar lakir