ishq ka jam

qarya-o-sā'at-o-dhaḌkan kī qasam

tire qadmoñ kī qasam paañv ke nāḳhun kī qasam

kar na pā.ūñgā kisī taur tujhe dil se judā

tū mirā 'ishq hai aur 'ishq se miltā hai ḳhudā

qarya-o-sā'at-o-dhaḌkan ke darīche se to ab

aañkh se aañkh milā khol ke yāqūt se lab

sāhib-e-ishq kā bhejā huā farmān sunā

mirā matlab hai mujhe 'ishq kā qur.ān sunā

sūra-e-nūr ko chhū aur jabīñ par merī

apne hī naam ko likh aur mire haath ko thaam

apne hāthoñ se pilā aaj mujhe 'ishq kā jaam

apne hāthoñ se pilā aaj mujhe 'ishq kā jaam

qarya-o-sa'at-o-dhaDkan ki qasam

tere qadmon ki qasam panw ke naKHun ki qasam

kar na paunga kisi taur tujhe dil se juda

tu mera 'ishq hai aur 'ishq se milta hai KHuda

qarya-o-sa'at-o-dhaDkan ke dariche se to ab

aankh se aankh mila khol ke yaqut se lab

sahib-e-ishq ka bheja hua farman suna

mera matlab hai mujhe 'ishq ka quran suna

sura-e-nur ko chhu aur jabin par meri

apne hi nam ko likh aur mere hath ko tham

apne hathon se pila aaj mujhe 'ishq ka jam

apne hathon se pila aaj mujhe 'ishq ka jam