taj-mahal

Kaifi Azmi

taj-mahal

Kaifi Azmi

MORE BYKaifi Azmi

    dost! maiñ dekh chukā tāj-mahal

    .....vāpas chal

    marmarīñ marmarīñ phūloñ se ubaltā hiirā

    chāñd aañch meñ dahke hue sīmīñ mīnār

    zehn-e-shā.er se ye kartā huā chashmak paiham

    ek malika ziyā-posh o fazā-tāb mazār

    ḳhud ba-ḳhud phir ga.e nazroñ meñ ba-andāz-e-savāl

    vo jo rastoñ pe paḌe rahte haiñ lāshoñ tarah

    ḳhushk ho kar jo simaT jaate haiñ be-ras a.asāb

    dhuup meñ khopḌiyāñ bajtī haiñ tāshoñ tarah

    dost maiñ dekh chukā tāj-mahal

    .....vāpas chal

    ye dhaḌaktā huā gumbad meñ dil-e-shāhjahāñ

    ye dar-o-bām pe hañstā huā malika shabāb

    jagmagātā hai har ik tah se mazāq-e-tafrīq

    aur tārīḳh uḌhātī hai mohabbat naqāb

    chāñdnī aur ye mahal ālam-e-hairat qasam

    duudh nahr meñ jis tarah ubaal aa jaa.e

    aise sayyāh nazroñ meñ khupe kyā ye samāñ

    jis ko farhād qismat ḳhayāl aa jaa.e

    dost maiñ dekh chukā tāj-mahal

    .....vāpas chal

    ye damaktī huī chaukhaT ye tilā-posh kalas

    inhīñ jalvoñ ne diyā qabr-parastī ko rivāj

    maah o anjum bhī hue jaate haiñ majbūr-e-sujūd

    vaah ārām-gah-e-malika-e-ma.abūd-mizāj

    dīdanī qasr nahīñ dīdanī taqsīm hai ye

    rū-e-hastī pe dhuāñ qabr pe raqs-e-anvār

    phail jaa.e isī rauza jo simTā dāman

    kitne jāñ-dār janāzoñ ko bhī mil jaa.e mazār

    dost maiñ dekh chukā tāj-mahal

    .....vāpas chal

    dost! main dekh chuka taj-mahal

    wapas chal

    marmarin marmarin phulon se ubalta hira

    chand ki aanch mein dahke hue simin minar

    zehn-e-shaer se ye karta hua chashmak paiham

    ek malika ka ziya-posh o faza-tab mazar

    KHud ba-KHud phir gae nazron mein ba-andaz-e-sawal

    wo jo raston pe paDe rahte hain lashon ki tarah

    KHushk ho kar jo simaT jate hain be-ras aasab

    dhup mein khopDiyan bajti hain tashon ki tarah

    dost main dekh chuka taj-mahal

    wapas chal

    ye dhaDakta hua gumbad mein dil-e-shahjahan

    ye dar-o-baam pe hansta hua malika ka shabab

    jagmagata hai har ek tah se mazaq-e-tafriq

    aur tariKH uDhati hai mohabbat ki naqab

    chandni aur ye mahal aalam-e-hairat ki qasam

    dudh ki nahr mein jis tarah ubaal aa jae

    aise sayyah ki nazron mein khupe kya ye saman

    jis ko farhad ki qismat ka KHayal aa jae

    dost main dekh chuka taj-mahal

    wapas chal

    ye damakti hui chaukhaT ye tila-posh kalas

    inhin jalwon ne diya qabr-parasti ko riwaj

    mah o anjum bhi hue jate hain majbur-e-sujud

    wah aaram-gah-e-malika-e-mabud-mizaj

    didani qasr nahin didani taqsim hai ye

    ru-e-hasti pe dhuan qabr pe raqs-e-anwar

    phail jae isi rauza ka jo simTa daman

    kitne jaan-dar janazon ko bhi mil jae mazar

    dost main dekh chuka taj-mahal

    wapas chal

    Tagged Under :

    related content

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY