جب گاڑی وقت پر آئی
سنو پیارے بچو یہ قصہ نیا
مرے پیارے بھارت کے اک شہر کا
وہاں ریل آتی تھی اک دیر سے
یہی اس کا معمول تھا خیر سے
سبھی اس سے رہتے تھے حیراں بہت
مسافر تھے اس سے پریشاں بہت
سویرے کا ہو وقت یا شام کا
اسے دیر سے آنے سے کام تھا
مگر ایک دن یہ غضب کیا ہوا
نہ معلوم اس کا سبب کیا ہوا
اسے وقت پر اپنے پہنچا ہوا
ہر اک شخص حیرت سے دیکھا کیا
کسی نے قلی سے یہ پوچھا جناب
حقیقت ہے کوئی یا ہے کوئی خواب
کبھی وقت پر اس کو دیکھا نہیں
اسے دیکھ کر پھر کیوں آئے یقیں
کہا ہنس کے اس نے کہ اے مہرباں
خدارا نہ ہو اس سے یوں بد گماں
کبھی وقت پر اس کو آنا نہیں
ہمیشہ رکھو دل میں اس پر یقیں
نہ سمجھو اسے تم میاں جمبو جیٹ
یہ گاڑی تو چوبیس گھنٹے ہے لیٹ
مأخذ:
گیت مالا (Pg. 46)
- مصنف: عادل اسیر دہلوی
-
- ناشر: ملک بکڈپو، دہلی
- سن اشاعت: 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
