jab tum yaad aati ho

na jaane kitnī tasvīreñ ubhartī haiñ tasavvur meñ

mire naġhmāt jab bhī zer-e-lab tum gungunātī ho

koī bādal kā TukḌā chāñd ko chhū kar guzartā hai

to lagtā hai ki tum āñchal meñ apnā muñh chhupātī ho

chaman meñ ḳhaar se dāman tumhārā jab ulajhtā hai

na jaane us ghaḌī be-sāḳhta kyuuñ muskurātī ho

bikhar jaatī haiñ shānoñ par ghanī zulfeñ havāoñ se

to us dam ik na.e andāz se tum sar jhukātī ho

mirī tasvīr se kyuuñ vālihāna pyaar hai tum ko

batāo kyuuñ mirī tasvīr siine se lagātī ho

hazāroñ diip jal uThte haiñ yādoñ kī muñDeroñ par

tasavvur ke shabistānoñ meñ jab tum muskurātī ho

na jaane kitni taswiren ubharti hain tasawwur mein

mere naghmat jab bhi zer-e-lab tum gungunati ho

koi baadal ka TukDa chand ko chhu kar guzarta hai

to lagta hai ki tum aanchal mein apna munh chhupati ho

chaman mein KHar se daman tumhaara jab ulajhta hai

na jaane us ghaDi be-saKHta kyun muskuraati ho

bikhar jati hain shanon par ghani zulfen hawaon se

to us dam ek nae andaz se tum sar jhukati ho

meri taswir se kyun walihana pyar hai tum ko

batao kyun meri taswir sine se lagati ho

hazaron dip jal uThte hain yaadon ki munDeron par

tasawwur ke shabistanon mein jab tum muskuraati ho