jangal mein mor

Basir Sultan Kazmi

jangal mein mor

Basir Sultan Kazmi

MORE BYBasir Sultan Kazmi

    ek din ik mor se kahne lagī ye mornī

    ḳhush-sadā hai ḳhush-adā hai ḳhush-qadam ḳhush-rang hai

    is bayābāñ tak magar afsos to mahdūd hai

    jab kabhī maiñ dekhtī huuñ mahv tujh ko raqs meñ

    ek ḳhvāhish be-tarah kartī hai mujh ko be-qarār

    kaash tujh ko dekh saktī aañkh har ruuh

    kaash maḳhlūq-e-ḳhudā ho tere fan se faizyāb

    mor bolā ai mirī ham-raqs merī ham-navā

    nahīñ vāqif ki maiñ ghūmā phirā huuñ kis qadar

    kitne jangal maiñ ne jhāñke kitnī dekhīñ bastiyāñ

    an-ginat āñkhoñ ne dekhā merā fan merā hunar

    daad lenā dekhne vāloñ se thā maqsad mirā

    is tarah goyā unheñ tasḳhīr kar letā thā maiñ

    dekhtā jab un āñkhoñ meñ satā.ish chamak

    bas usī lamhe paroñ ko mere lag jaate the par

    phir huā yuuñ ek din daurān-e-raqs

    ġhāliban shīshe TukḌā koī kankar chubhā

    raqs to kyā chalne phirne se huā ma.azūr maiñ

    rafta rafta ho gayā ahl-e-jahāñ se duur maiñ

    baad muddat ek din pahuñchā jo maiñ pinDāl meñ

    dekhtā kyā huuñ ki ik tā.ūs-e-ḳhush-qad ḳhush-jamāl

    mujh se behtar aur kitnā muḳhtalif

    kar rahā thā apne fan se ahl-e-majlis ko nihāl

    der tak dekhā kiyā maiñ us ko auroñ tarah

    yuuñ lagā jaise vo thā merī jagah merī tarah

    kārvān-e-zindagī ruktā nahīñ

    vaqt dariyā kabhī ruktā nahīñ

    aaj maiñ kal koī parsoñ koī aur

    apnā apnā vaqt apnā apnā daur

    raqs kartā huuñ agar maiñ ab to bas apne liye

    faqat tere liye tere liye tere liye

    ek din ek mor se kahne lagi ye morni

    KHush-sada hai KHush-ada hai KHush-qadam KHush-rang hai

    is bayaban tak magar afsos to mahdud hai

    jab kabhi main dekhti hun mahw tujh ko raqs mein

    ek KHwahish be-tarah karti hai mujh ko be-qarar

    kash tujh ko dekh sakti aankh har zi ruh ki

    kash maKHluq-e-KHuda ho tere fan se faizyab

    mor bola ai meri ham-raqs meri ham-nawa

    tu nahin waqif ki main ghuma phira hun kis qadar

    kitne jangal main ne jhanke kitni dekhin bastiyan

    an-ginat aankhon ne dekha mera fan mera hunar

    dad lena dekhne walon se tha maqsad mera

    is tarah goya unhen tasKHir kar leta tha main

    dekhta jab un ki aankhon mein sataish ki chamak

    bas usi lamhe paron ko mere lag jate the par

    phir hua yun ek din dauran-e-raqs

    ghaaliban shishe ka TukDa ya koi kankar chubha

    raqs to kya chalne phirne se hua mazur main

    rafta rafta ho gaya ahl-e-jahan se dur main

    baad muddat ek din pahuncha jo main pinDal mein

    dekhta kya hun ki ek taus-e-KHush-qad KHush-jamal

    mujh se behtar aur kitna muKHtalif

    kar raha tha apne fan se ahl-e-majlis ko nihaal

    der tak dekha kiya main us ko auron ki tarah

    yun laga jaise wo tha meri jagah meri tarah

    karwan-e-zindagi rukta nahin

    waqt ka dariya kabhi rukta nahin

    aaj main kal koi parson koi aur

    apna apna waqt apna apna daur

    raqs karta hun agar main ab to bas apne liye

    ya faqat tere liye tere liye tere liye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now