jashn-e-eid

Shakeb Jalali

jashn-e-eid

Shakeb Jalali

MORE BYShakeb Jalali

    sabhī ne eid manā.ī mire gulistāñ meñ

    kisī ne phuul piro.e kisī ne ḳhaar chune

    ba-nām-e-izn-e-takallum ba-nām-e-jabr-e-sukūt

    kisī ne hoñT chabā.e kisī ne giit bune

    baḌe ġhazab gulistāñ meñ jashn-e-eid huā

    kahīñ to bijliyāñ kauñdīñ kahīñ chīnār jale

    kahīñ kahīñ koī fānūs bhī nazar aayā

    ba-taur-e-ḳhās magar qalb-e-dāġh-dār jale

    ajab thī eid-e-ḳhumistāñ ajab thā rañg-e-nashāt

    kisī ne bāda-o-sāġhar kisī ne ashk piye

    kisī ne atlas-o-kamḳhvāb qabā pahnī

    kisī ne chāk-e-garebāñ kisī ne zaḳhm siye

    hamāre zauq-e-nazāra ko eid din bhī

    kahīñ pe sāya-e-zulmat kahīñ pe nuur milā

    kisī ne dīda-o-dil ke kañval khile paa.e

    kisī ko sāġhar-e-ehsās chaknā-chūr milā

    ba-faiz-e-eid bhī paidā huī na yak-rañgī

    koī malūl koī ġham se be-niyāz rahā

    baḌā ġhazab hai ḳhudavand-e-kausar-o-tasnīm

    ki roz-e-eid bhī tabqoñ imtiyāz rahā

    sabhi ne eid manai mere gulistan mein

    kisi ne phul piroe kisi ne KHar chune

    ba-nam-e-izn-e-takallum ba-nam-e-jabr-e-sukut

    kisi ne honT chabae kisi ne git bune

    baDe ghazab ka gulistan mein jashn-e-eid hua

    kahin to bijliyan kaundin kahin chinar jale

    kahin kahin koi fanus bhi nazar aaya

    ba-taur-e-KHas magar qalb-e-dagh-dar jale

    ajab thi eid-e-KHumistan ajab tha rang-e-nashat

    kisi ne baada-o-saghar kisi ne ashk piye

    kisi ne atlas-o-kamKHwab ki qaba pahni

    kisi ne chaak-e-gareban kisi ne zaKHm siye

    hamare zauq-e-nazara ko eid din bhi

    kahin pe saya-e-zulmat kahin pe nur mila

    kisi ne dida-o-dil ke kanwal khile pae

    kisi ko saghar-e-ehsas chakna-chur mila

    ba-faiz-e-eid bhi paida hui na yak-rangi

    koi malul koi gham se be-niyaz raha

    baDa ghazab hai KHudawand-e-kausar-o-tasnim

    ki roz-e-eid bhi tabqon ka imtiyaz raha

    Source :
    • Book : Kulliyat-e-Shakiib Jalali (Pg. 462)
    • Author : Mohd Nasir Khan
    • Publication : Farid Book Depot Pvt. Ltd (2007)
    • Edition : 2007

    Tagged Under:

    Eid
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY