Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jiwan-rut ka zard safar

Ashraf Jawed Malik

jiwan-rut ka zard safar

Ashraf Jawed Malik

MORE BYAshraf Jawed Malik

    jism

    shikan-ālūd

    thakan kī chādar oḌhe

    raat ko chup kī

    narm masahrī

    par soyā hai

    gum-sum hai

    khoyā khoyā hai

    niiñd ke malmal jaise

    niile haale meñ

    terī yādeñ

    raqs kī sūrat

    kho.e hue sundar

    desoñ kā

    qarya qarya ghuum rahī haiñ

    jīvan ke sat-rang pahante

    giit kī lai par

    haule haule jhuum rahī haiñ

    jīvan-rut ke zard safar meñ

    āñkhoñ ke darvāzoñ se

    dāḳhil hote dulhan jaise

    kore ḳhvāb

    tere paikar kī ḳhushbū

    se ujlī ujlī bāteñ karte

    resham haath

    merī apnī gardan kī

    ruuoñ se khel rahe haiñ

    tanhā.ī ke bhor samoñ meñ

    khulne vaalā

    hijr kā mausam jhel rahe haiñ

    sub.h jab hogī

    TuuTe badan kī Thīkriyoñ ko

    kun kā mālik joḌ ke

    phir se sīdhā kar degā

    haDDiyoñ ke guude meñ

    ek na.e din ke jīvan kī

    sabz ummīdeñ bhar bhar degā

    yuuñ jīvan ke

    godām meñ jaltī sāñsoñ kā

    ek aur suhānā din

    shaam kī chakkī meñ

    daana daana ho kar pis jā.egā

    aur jism yūñhī dhīre dhīre

    ik roz shikan-ālūd thakan kī

    chādar oḌhe

    maran barat kī

    narm masahrī par so jā.egā

    jism

    shikan-alud

    thakan ki chadar oDhe

    raat ko chup ki

    narm masahri

    par soya hai

    gum-sum hai

    khoya khoya hai

    nind ke malmal jaise

    nile haale mein

    teri yaaden

    raqs ki surat

    khoe hue sundar

    deson ka

    qarya qarya ghum rahi hain

    jiwan ke sat-rang pahante

    git ki lai par

    haule haule jhum rahi hain

    jiwan-rut ke zard safar mein

    aankhon ke darwazon se

    daKHil hote dulhan jaise

    kore KHwab

    tere paikar ki KHushbu

    se ujli ujli baaten karte

    resham hath

    meri apni gardan ki

    ruon se khel rahe hain

    tanhai ke bhor samon mein

    khulne wala

    hijr ka mausam jhel rahe hain

    subh jab hogi

    TuTe badan ki Thikriyon ko

    kun ka malik joD ke

    phir se sidha kar dega

    haDDiyon ke gude mein

    ek nae din ke jiwan ki

    sabz ummiden bhar bhar dega

    yun jiwan ke

    godam mein jalti sanson ka

    ek aur suhana din

    sham ki chakki mein

    dana dana ho kar pis jaega

    aur jism yunhi dhire dhire

    ek roz shikan-alud thakan ki

    chadar oDhe

    maran barat ki

    narm masahri par so jaega

    Source :
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning
    Speak Now