aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jo bole mara jae

Jameeluddin Aali

jo bole mara jae

Jameeluddin Aali

MORE BYJameeluddin Aali

    vaqt ne pūchhā

    kyā tum mujh ko jānte ho

    haañ

    kyā tum mujh ko mānte ho

    naañ

    kyā matlab hai

    kyā matlab thā

    vaqt bhī chup hai

    jaane vo kab kyā bolegā

    aaj kitnī bātoñ ko bhī

    kaise kaise badalne vaale

    bante bante ġham se ḳhushī se aur hairat se

    apnī āñkheñ malne vaale

    mīzānoñ meñ DanDī maar ke sachchā.ī se taulegā

    aur phir maiñ bhī chup na rahūñgā

    lekin

    jo is vaqt mujhe bhī kahnā lāzim ho

    vo kah na sakūñgā

    shāyad vo sab sah na sakūñgā

    haañ bha.ī le is lamhe maiñ tujh ko māntā bhī huuñ

    ab ye chhoḌ ki jāntā bhī huuñ

    jo chāhe aaj batā de

    varna mujh ko abhī bhulā de

    kaun ab kyā kyā kis ko sikhā.e

    jo bole vo maarā jaa.e

    ai 'mīrā-jī' aap ko to sab bhuul ga.e haiñ

    aap yahāñ aur mujh jaise ma.atūb-e-zamāñ ko āḳhir ik-dam kyuuñ yaad aa.e

    waqt ne puchha

    kya tum mujh ko jaante ho

    han

    kya tum mujh ko mante ho

    nan

    kya matlab hai

    kya matlab tha

    waqt bhi chup hai

    jaane wo kab kya bolega

    aaj ki kitni baaton ko bhi

    kaise kaise badalne wale

    bante bante gham se KHushi se aur hairat se

    apni aankhen malne wale

    mizanon mein DanDi mar ke ya sachchai se taulega

    aur phir main bhi chup na rahunga

    lekin

    jo is waqt mujhe bhi kahna lazim ho

    wo kah na sakunga

    shayad wo sab sah na sakunga

    han bhai le is lamhe main tujh ko manta bhi hun

    ab ye chhoD ki jaanta bhi hun

    jo tu chahe aaj bata de

    warna mujh ko abhi bhula de

    kaun ab kya kya kis ko sikhae

    jo bole wo mara jae

    ai 'mira-ji' aap ko to sab bhul gae hain

    aap yahan aur mujh jaise matub-e-zaman ko aaKHir ik-dam kyun yaad aae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now