josh-e-gul

Nazm Tabatabai

josh-e-gul

Nazm Tabatabai

MORE BYNazm Tabatabai

    vo mausam hai ki ḳhūbān-e-chaman bante-sañvarte haiñ

    ye aalam hai ki jaise rañg tasvīroñ meñ bharte haiñ

    hai ḳhvābīda jo sabza ā.ina-ḳhāne meñ shabnam ke

    nafas-duzdīda bād-e-sub.h ke jhoñke guzarte haiñ

    par-e-tūtī pe hotā hai dum-e-tā.ūs dhokā

    havā se uḌ ke barg-e-gul jo sabze par bikharte haiñ

    milā hai sabza-e-nau-ḳhez ko kyā rañg-e-zañgārī

    havā lagne se jis zaḳhm-e-dil laala ke bharte haiñ

    shagūfa-rez ho kar Dāliyāñ mad.hosh kartī haiñ

    ki mai-kash jānte haiñ taaq se shīshe utarte haiñ

    nazākat se adā se jhuum kar kahtī hai shāḳh-e-gul

    yūñhī ik jaam kar rañg mastoñ ke nikharte haiñ

    bashāshat kah rahī hai chehra-e-gul idhar dekho

    yūñhī mahfil meñ hañs dete haiñ paimāne jo bharte haiñ

    chaman baḌh ke shāḳheñ abr se kartī haiñ gul-bāzī

    guloñ ā.ina-dārī par-e-tā.ūs karte haiñ

    gumāñ hotā hai lashkar-kushī bād-e-bahārī ne

    zirah-posh aab ho jaatā hai jab bādal guzarte haiñ

    dam-e-sub.h-e-bahārī hai ruḳh-e-ḳhur par naqāb-afgan

    kisī ā.īne par tār-e-nafas jaise bikharte haiñ

    vahīñ kar thamegā kārvān-e-lāla-o-gul bhī

    nasīm-e-sub.h ke jhoñke jahāñ kar Thaharte haiñ

    nihālān-e-chaman kar leñge qabza saare aalam par

    vahāñ se phir nahīñ haTte jahāñ pe paañv dharte haiñ

    zamīñ par jaal phailāyā hai kosoñ zulf-e-sumbul ne

    anādil in dinoñ aate hue gulshan meñ Darte haiñ

    javāb-e-jashn-e-jam hai garmi-e-hañgāma-e-gulshan

    ki le kar kashtī-e-mai taḳht pariyoñ ke utarte haiñ

    anādil mil chuke haiñ ḳhaak meñ jo kyā ḳhabar un ko

    ki shāḳheñ jhūmtī haiñ phuul turbat par bikharte haiñ

    wo mausam hai ki KHuban-e-chaman bante-sanwarte hain

    ye aalam hai ki jaise rang taswiron mein bharte hain

    hai KHwabida jo sabza aaina-KHane mein shabnam ke

    nafas-duzdida baad-e-subh ke jhonke guzarte hain

    par-e-tuti pe hota hai dum-e-taus ka dhoka

    hawa se uD ke barg-e-gul jo sabze par bikharte hain

    mila hai sabza-e-nau-KHez ko kya rang-e-zangari

    hawa lagne se jis ki zaKHm-e-dil lala ke bharte hain

    shagufa-rez ho kar Daliyan madhosh karti hain

    ki mai-kash jaante hain taq se shishe utarte hain

    nazakat se ada se jhum kar kahti hai shaKH-e-gul

    yunhi ek jam pi kar rang maston ke nikharte hain

    bashashat kah rahi hai chehra-e-gul ki idhar dekho

    yunhi mahfil mein hans dete hain paimane jo bharte hain

    chaman ki baDh ke shaKHen abr se karti hain gul-bazi

    gulon ki aaina-dari par-e-taus karte hain

    guman hota hai ki lashkar-kushi baad-e-bahaari ne

    zirah-posh aab ho jata hai jab baadal guzarte hain

    dam-e-subh-e-bahaari hai ruKH-e-KHur par naqab-afgan

    kisi aaine par tar-e-nafas jaise bikharte hain

    wahin ja kar thamega karwan-e-lala-o-gul bhi

    nasim-e-subh ke jhonke jahan ja kar Thaharte hain

    nihaalan-e-chaman kar lenge qabza sare aalam par

    wahan se phir nahin haTte jahan pe panw dharte hain

    zamin par jal phailaya hai koson zulf-e-sumbul ne

    anadil in dinon aate hue gulshan mein Darte hain

    jawab-e-jashn-e-jam hai garmi-e-hangama-e-gulshan

    ki le kar kashti-e-mai taKHt pariyon ke utarte hain

    anadil mil chuke hain KHak mein jo kya KHabar un ko

    ki shaKHen jhumti hain phul turbat par bikharte hain

    Source :
    • Book : Jadeed Shora.e Urdu (Pg. 118)
    • Author : Dr. Abdul Vaheed
    • Publication : Firoz sons Printers Publishers Book sales
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now