jugnu aur bachcha

jugnū

idhar aao ai mere nādān bachche

karūñgā maiñ do chaar bāteñ tumhīñ se

ho masrūf kyuuñ khelne meñ tum aise

suno to sahī kuchh paḌho ghar pe jā ke

nahīñ pyāre bachche ye din khelne ke

bachcha

maiñ abbā kā jaanī maiñ amaañ kā pyārā

nahīñ ranj merā kisī ko gavārā

na jā.ūñgā paḌhne ye hai kyā ishārā

maiñ khelūñgā terā nahīñ kuchh ijārā

chamakdār kiiḌe mujhe khelne de

jugnū

ye pur-nūr chehra ye āñkheñ munavvar

ye gorā badan aur kapḌe mo.attar

laḌakpan ke din haiñ magar yuuñ na haT kar

nasīhat se merī huā kyuuñ mukaddar

nahīñ pyāre bachche ye din khelne ke

bachcha

paḌī hai abhī umr paḌh lūñgā jugnū

ki paḌhne pe har vaqt hai merā qaabū

maiñ kyuuñ jā.ūñ paḌhne maiñ khelūñgā har sū

kahīñ aur be-par kī jā kar uḌā tū

chamakdār kiiḌe mujhe khelne de

jugnū

nahīñ pyāre bachche nahīñ khel achchhā

ki paḌhne kā hai ik yahī to zamāna

agar ibtidā se rahā shauq is kā

to aa jā.egā phir bahut jald paḌhnā

nahīñ pyāre bachche ye din khelne ke

bachcha

pakaḌ lūñgā tujh ko jo ab tū ne chheḌā

tū aayā baḌā ilm vaalā kahīñ kā

maiñ khelūñgā khelūñgā khelūñgā har jā

mujhe khel se roktā hai parinda

chamakdār kiiḌe mujhe khelne de

jugnū

na jā.ūñgā hargiz maiñ uḌ kar yahāñ se

karoge na iqrār jab tak zabāñ se

nasīhat ko aa.egā koī kahāñ se

farishte na utreñge ab āsmāñ se

nahīñ pyāre bachche ye din khelne ke

bachcha

yahāñ aa ke kin āfatoñ meñ phañsā maiñ

tire lecture meñ huā mubtalā maiñ

kahīñ aur hī khā.ūñgā ab havā maiñ

tū jaatā nahīñ to na jā le chalā maiñ

chamakdār kiiḌe mujhe khelne de

jugnū

maiñ tere liye go ik aafat na.ī huuñ

magar vāqa.ī rahmat allāh kī huuñ

jahāñ meñ tirā rahnumā har ghaḌī huuñ

maiñ jugnū nahīñ ilm kī raushnī huuñ

nahīñ pyāre bachche ye din khelne ke

tujhe ek din hai chamaknā zamīñ par

hañsī mujh ko aatī hai terī nahīñ par

nazar hai mirī tere rū-e-hasīñ par

maiñ chamkūñgā ik roz terī jabīñ par

nahīñ pyāre bachche ye din khelne ke

abhī se agar tū likhegā paḌhegā

to duniyā meñ parvān jaldī chaḌhegā

ye kab tak yūñhī geḌiyāñ tū gaḌhegā

baḌhā.egā himmat to aage baḌhegā

nahīñ pyāre bachche ye din khelne ke

bachcha

jo tū ilm kī raushnī hai to aa jā

mire dil meñ mere jigar meñ samā jā

mujhe paḌhne likhne kā shaidā banā jā

agar aur kuchh hai to haT jā chalā jā

chamakdār kiiḌe mujhe khelne de

jugnu

idhar aao ai mere nadan bachche

karunga main do chaar baaten tumhin se

ho masruf kyun khelne mein tum aise

suno to sahi kuchh paDho ghar pe ja ke

nahin pyare bachche ye din khelne ke

bachcha

main abba ka jaani main aman ka pyara

nahin ranj mera kisi ko gawara

na jaunga paDhne ye hai kya ishaara

main khelunga tera nahin kuchh ijara

chamakdar kiDe mujhe khelne de

jugnu

ye pur-nur chehra ye aankhen munawwar

ye gora badan aur kapDe moattar

laDakpan ke din hain magar yun na haT kar

nasihat se meri hua kyun mukaddar

nahin pyare bachche ye din khelne ke

bachcha

paDi hai abhi umr paDh lunga jugnu

ki paDhne pe har waqt hai mera qabu

main kyun jaun paDhne main khelunga har su

kahin aur be-par ki ja kar uDa tu

chamakdar kiDe mujhe khelne de

jugnu

nahin pyare bachche nahin khel achchha

ki paDhne ka hai ek yahi to zamana

agar ibtida se raha shauq is ka

to aa jaega phir bahut jald paDhna

nahin pyare bachche ye din khelne ke

bachcha

pakaD lunga tujh ko jo ab tu ne chheDa

tu aaya baDa ilm wala kahin ka

main khelunga khelunga khelunga har ja

mujhe khel se rokta hai parinda

chamakdar kiDe mujhe khelne de

jugnu

na jaunga hargiz main uD kar yahan se

karoge na iqrar jab tak zaban se

nasihat ko aaega koi kahan se

farishte na utrenge ab aasman se

nahin pyare bachche ye din khelne ke

bachcha

yahan aa ke kin aafaton mein phansa main

tere lecture mein hua mubtala main

kahin aur hi khaunga ab hawa main

tu jata nahin to na ja le chala main

chamakdar kiDe mujhe khelne de

jugnu

main tere liye go ek aafat nai hun

magar waqai rahmat allah ki hun

jahan mein tera rahnuma har ghaDi hun

main jugnu nahin ilm ki raushni hun

nahin pyare bachche ye din khelne ke

tujhe ek din hai chamakna zamin par

hansi mujh ko aati hai teri nahin par

nazar hai meri tere ru-e-hasin par

main chamkunga ek roz teri jabin par

nahin pyare bachche ye din khelne ke

abhi se agar tu likhega paDhega

to duniya mein parwan jaldi chaDhega

ye kab tak yunhi geDiyan tu gaDhega

baDhaega himmat to aage baDhega

nahin pyare bachche ye din khelne ke

bachcha

jo tu ilm ki raushni hai to aa ja

mere dil mein mere jigar mein sama ja

mujhe paDhne likhne ka shaida bana ja

agar aur kuchh hai to haT ja chala ja

chamakdar kiDe mujhe khelne de