justuju

vo māhtāb utar aa.e chhat pe koī shaam

mile mujhe bhī mohabbat bharā koī paiġhām

hazār baar umañgoñ ne mujh ko bahkāyā

hazār baar ḳhayāloñ ne mujh ko uksāyā

hazār baar tabī.at tirī taraf i

hazār baar akele meñ dil ko samjhāyā

magar ye sach hai ki har baar ho gayā nākām

mile mujhe bhī mohabbat bharā koī paiġhām

hazār baar mire dil kā phuul murjhāyā

hazār baar luTā mere dil kā sarmāya

hazār baar tire āstāñ pe dastak dī

hazār baar nafī meñ tirā javāb aayā

ab aur kitnā karūñ intizār-e-gul-andām

mile mujhe bhī mohabbat bharā koī paiġhām

hazār baar tirī aarzū meñ niklā huuñ

hazār baar tujhe dekhne ko Thahrā huuñ

hazār baar tirī raah kī uḌaa.ī dhuul

hazār baar nayā naam le ke lauTā huuñ

junūñ ne kaisā kiyā dekh le mujhe badnām

mile mujhe bhī mohabbat bharā koī paiġhām

hazār baar havāoñ meñ kuchh likhā maiñ ne

hazār baar kiyā pesh mudda.ā maiñ ne

hazār baar huī sa.ī-e-rā.egāñ mujh se

hazār baar ishāroñ se kuchh kahā maiñ ne

jo ibtidā ho zarūrī nahīñ vo ho anjām

mile mujhe bhī mohabbat bharā koī paiġhām

wo mahtab utar aae chhat pe koi sham

mile mujhe bhi mohabbat bhara koi paigham

hazar bar umangon ne mujh ko bahkaya

hazar bar KHayalon ne mujh ko uksaya

hazar bar tabiat teri taraf i

hazar bar akele mein dil ko samjhaya

magar ye sach hai ki har bar ho gaya nakaam

mile mujhe bhi mohabbat bhara koi paigham

hazar bar mere dil ka phul murjhaya

hazar bar luTa mere dil ka sarmaya

hazar bar tere aastan pe dastak di

hazar bar nafi mein tera jawab aaya

ab aur kitna karun intizar-e-gul-andam

mile mujhe bhi mohabbat bhara koi paigham

hazar bar teri aarzu mein nikla hun

hazar bar tujhe dekhne ko Thahra hun

hazar bar teri rah ki uDai dhul

hazar bar naya nam le ke lauTa hun

junun ne kaisa kiya dekh le mujhe badnam

mile mujhe bhi mohabbat bhara koi paigham

hazar bar hawaon mein kuchh likha main ne

hazar bar kiya pesh muddaa main ne

hazar bar hui sai-e-raegan mujh se

hazar bar ishaaron se kuchh kaha main ne

jo ibtida ho zaruri nahin wo ho anjam

mile mujhe bhi mohabbat bhara koi paigham