kahin kuchh nahin hota

Shahid Mahuli

kahin kuchh nahin hota

Shahid Mahuli

MORE BYShahid Mahuli

    kahīñ kuchh nahīñ hotā

    na āsmān TūTtā hai

    na zamīñ bikhartī hai

    har chiiz apnī apnī jagah Thahar ga.ī hai

    maah o saal

    shab o roz

    barf tarah jam ga.e haiñ

    ab kahīñ ajnabī qadmoñ chaap se

    koī darvāza nahīñ khultā

    na kahīñ kisī jāduī charāġh se

    koī pariyoñ mahal tāmīr hotā hai

    na kahīñ bārish hotī hai

    na shahr jaltā hai

    kahīñ kuchh nahīñ hotā

    ab hamesha ek mausam rahtā hai

    na na.e phuul khilte haiñ

    na kahīñ patjhaḌ hotā hai

    khetoñ aur khaliyānoñ se

    saje hue bāzāroñ tak

    na.e mausam ke intizār meñ

    log chup-chāp khaḌe haiñ

    na kahīñ koī kuñvārī hañstī hai

    na kahīñ koī bachcha rotā hai

    kahīñ kuchh nahīñ hotā

    rāstoñ par aur ufuq bikhar ga.e haiñ

    aur kitāboñ pe dhuul

    dimāġhoñ meñ jaale haiñ

    aur diloñ meñ ḳhauf

    galiyoñ meñ dhuāñ hai

    aur gharoñ meñ bhuuk

    ab na koī jañgal jañgal bhaTaktā hai

    na koī patthar kaaT kaaT kar nahreñ nikāltā hai

    kahīñ kuchh nahīñ hotā

    kahin kuchh nahin hota

    na aasman TuTta hai

    na zamin bikharti hai

    har chiz apni apni jagah Thahar gai hai

    mah o sal

    shab o roz

    barf ki tarah jam gae hain

    ab kahin ajnabi qadmon ki chap se

    koi darwaza nahin khulta

    na kahin kisi jadui charagh se

    koi pariyon ka mahal tamir hota hai

    na kahin barish hoti hai

    na shahr jalta hai

    kahin kuchh nahin hota

    ab hamesha ek hi mausam rahta hai

    na nae phul khilte hain

    na kahin patjhaD hota hai

    kheton aur khaliyanon se

    saje hue bazaron tak

    nae mausam ke intizar mein

    log chup-chap khaDe hain

    na kahin koi kunwari hansti hai

    na kahin koi bachcha rota hai

    kahin kuchh nahin hota

    raston par aur ufuq bikhar gae hain

    aur kitabon pe dhul

    dimaghon mein jale hain

    aur dilon mein KHauf

    galiyon mein dhuan hai

    aur gharon mein bhuk

    ab na koi jangal jangal bhaTakta hai

    na koi patthar kaT kaT kar nahren nikalta hai

    kahin kuchh nahin hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY