کون ہے وہ
جو ہر پل میرے ساتھ ساتھ چلتا ہے
کبھی وہ پھول بن کر میرے ہونٹوں پر کھلتا ہے
کبھی شبنم بن کر میری روح کو بھگو دیتا
کون ہے وہ
جو ہر پل میرے ساتھ ساتھ چلتا ہے
وہ کبھی لفظ بن کر میری غزلوں میں سنور جاتا ہے
جب وہ ہنستا ہے ہر سمت جگنو چمکنے لگتے ہیں
جب وہ چلتا ہے تو راہوں میں
ہزاروں چراغ جل اٹھتے ہیں
کون ہے وہ
جو ہر پل میرے ساتھ ساتھ چلتا ہے
کبھی وہ میرا سایہ بن جاتا ہے
کبھی میرا آسمان بن جاتا ہے
کبھی مجھے خود میں سمو لیتا ہے
کبھی میری زمین بن جاتا ہے
اس کی ایک نگاہ سے میں پاش پاش ہونے لگتی ہوں
جب ملنے کا اصرار کرتا ہے
میں بے بس ہو جاتی ہوں
کون ہے وہ جو ہر پل میرے ساتھ چلتا ہے
مأخذ:
زندگی چاند بھی زندگی زخم بھی (Pg. 127)
- مصنف: صدف معصوم
-
- ناشر: صدف معصوم
- سن اشاعت: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
