خط کا انتظار
روز و شب رہتا ہے مجھ کو ان کے خط کا انتظار
کس طرح بہلاؤں دل کو کس طرح پاؤں قرار
در پہ باندھے ٹکٹکی میں دیکھتی ہوں بار بار
پاس میرے آج شاید آئے گا پیغام یار
پا کے آہٹ نامہ بر کی کچھ سکوں پاتی ہوں میں
اک حیات نو مجھے ملتی ہے کھل جاتی ہوں میں
دور ہوتی ہے تڑپ کافور ہو جاتی ہے یاس
دیکھتی ہوں شوق کی نظروں سے اپنی آس پاس
نامہ کیا آیا کہ گویا آ گئے وہ میرے پاس
پھول جاتی ہوں مسرت سے بدلتی ہوں لباس
پڑھتی رہتی ہوں میں پہروں انت کچھ ماتا نہیں
درد و غم کی داستاں بھی ختم ہوتی ہے کہیں
خط کو آنکھوں سے لگا کر چومتی ہوں دم بہ دم
تاکہ قلب مضطرب کی ساری بیتابی ہو کم
تولتی ہوں حرف سارے عشق کی میزان میں
اور سمو لیتی ہوں ان کا حسن اپنی جان میں
مأخذ:
Man ki bansuri (Pg. 41)
- مصنف: امیر اورنگ آبادی
-
- اشاعت: 1930
- ناشر: مطبع عہد آفرین، دکن
- سن اشاعت: 1930
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
