aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

khilanDDa

Alqama Shibli

khilanDDa

Alqama Shibli

MORE BYAlqama Shibli

    imtihāñ raat aur maiñ jhiḌkiyāñ suntā rahūñ

    har ināyat har karam ko muskurā kar maiñ sahūñ

    huuk dil meñ uThe aur kuchh na maiñ phir bhī kahūñ

    ai ġham-e-dil kyā karūñ ai vahshat-e-dil kyā karūñ

    ban ke raTTū paas kar jā.ūñ mirī fitrat nahīñ

    imtihāñ meñ dostoñ se luuñ madad aadat nahīñ

    mehrbāñ hoñ master aisī mirī qismat nahīñ

    ai ġham-e-dil kyā karūñ ai vahshat-e-dil kyā karūñ

    ye rupahlī raat aur bāġhoñ meñ aamoñ bahār

    kyā kitāboñ meñ lage dil aur kyā aa.e qarār

    haa.e lekin is ghaḌī koī nahīñ rāh-e-farār

    ai ġham-e-dil kyā karūñ ai vahshat-e-dil kyā karūñ

    dil ye kahtā hai kitābeñ chhoḌ aur DañDā uThā

    dostoñ ke saath kar baaġh meñ amrūd khā

    kuchh agar maalī kahe to qahqahe mil kar lagā

    ai ġham-e-dil kyā karūñ ai vahshat-e-dil kyā karūñ

    le ke basta haath meñ schōl jaanā hai ġhazab

    master sāhab se maulā-baḳhsh khānā hai ġhazab

    kaale taḳhte par savāloñ banānā hai ġhazab

    ai ġham-e-dil kyā karūñ ai vahshat-e-dil kyā karūñ

    meñ aatā hai ki ab schōl jaanā chhoḌ duuñ

    maiñ baḌh kar dosto ab vaqt ruḳh moḌ duuñ

    ye nahīñ mumkin to phir maiñ apnā sar toḌ duuñ

    ai ġham-e-dil kyā karūñ ai vahshat-e-dil kyā karūñ

    imtihan ki raat aur main jhiDkiyan sunta rahun

    har inayat har karam ko muskura kar main sahun

    huk si dil mein uThe aur kuchh na main phir bhi kahun

    ai gham-e-dil kya karun ai wahshat-e-dil kya karun

    ban ke raTTu pas kar jaun meri fitrat nahin

    imtihan mein doston se lun madad aadat nahin

    mehrban hon master aisi meri qismat nahin

    ai gham-e-dil kya karun ai wahshat-e-dil kya karun

    ye rupahli raat aur baghon mein aamon ki bahaar

    kya kitabon mein lage dil aur kya aae qarar

    hae lekin is ghaDi koi nahin rah-e-farar

    ai gham-e-dil kya karun ai wahshat-e-dil kya karun

    dil ye kahta hai kitaben chhoD aur DanDa uTha

    doston ke sath ja kar bagh mein amrud kha

    kuchh agar mali kahe to qahqahe mil kar laga

    ai gham-e-dil kya karun ai wahshat-e-dil kya karun

    le ke basta hath mein school jaana hai ghazab

    master sahab se maula-baKHsh khana hai ghazab

    kale taKHte par sawalon ka banana hai ghazab

    ai gham-e-dil kya karun ai wahshat-e-dil kya karun

    ji mein aata hai ki ab school jaana chhoD dun

    main hi baDh kar dosto ab waqt ka ruKH moD dun

    ye nahin mumkin to phir main apna hi sar toD dun

    ai gham-e-dil kya karun ai wahshat-e-dil kya karun

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now